नगरसेवक अभि मुसळे यांची कार्यतत्परता
नगरपंचायत च्या अग्निशामक बंबाने आग आणली आटोक्यात
कणकवली (प्रतिनिधी) : कणकवली बांधकरवाडी येथील शाळा नं २ परिसरात बुधवारी दुपारी १२.१५ वा. च्या सुमारास किरकोळ कचरा जाळण्यासाठी तावलेली आग नजीकच्या गवताला लागून भडकल्याने तेथील झाडे जळली आहेत. याबाबतची माहिती शाळा नं २ च्या शिक्षकांनी नगरसेवक अभि मुसळे यांना दिली असता त्यांनी तात्काळ अग्निशमन बंब घटनास्थळी नेत काही वेळातच आग आटोक्यात आणली. त्यामुळे पुढील मोठा अनर्थ टळला. या आग लागलेल्या भागाच्या आसपास शाळा व वस्ती असल्याने होणारे संभाव्य नुकसान देखीत टळले. नगरपंचायत कर्मचारी रोहन डीचोलकर व इतर न.पं. कर्मचाऱ्यानी आग आटोक्यात आणण्यासाठी प्रयत्न केले.
