युवक निदर्शनास आल्यास आचरा पोलिस स्टेशनशी संपर्क करा- स. पो. नि.अनिल व्हटकर
आचरा (प्रतिनिधी) : आचरा येथील गणेश शामा निकम वय 19 युवक राहत्या घरातून 24 ऑक्टोबरच्या रात्री ते 25 ऑक्टोबर च्या सकाळी 7 वाजण्याच्या दरम्यान कोणालाही न सांगता बेपत्ता झाला आहे. याबाबतची फिर्याद राजेश भोसले यांनी आचरा पोलीस ठाण्यात दिली आहे. त्याची गावात, इतर ठिकाणी शोधाशोध चालू केली. मात्र कुठेही आढळून न आल्याने राजेश भोसले यांनी आचरा पोलीस ठाण्यात बेपत्ता झाल्याची फिर्याद दिली आहे. सहाय्यक पोलीस निरीक्षक अनिल व्हटकर यांच्या मार्गदर्शनाखाली सुदेश तांबे या घटनेचा तपास करत आहेत. हा युवक कुठेही दिसून आल्यास 94210 29676 या संपर्क क्रमांकावर संपर्क करण्याचे आवाहन स. पो. नि. अनिल व्हटकर यांनी केले आहे.
