तळेरे (प्रतिनिधी): प्रसिध्द कथाकार जी.ए.कुलकर्णी यांच्या शताब्दी वर्षानिमित्त “शताब्दी संस्मरण अभिवाचन कार्यक्रमाचे” ‘तिसरे पुष्प’ शनिवार दि.९ सप्टेंबर २०२३ रोजी सायंकाळी ६ ते ७.३० वा. तळेरे येथील वामनराव महाडिक माध्यमिक विद्यालयाच्या डॉ.एम.डी.देसाई सांस्कृतिक भवनमध्ये आयोजित करण्यात आला आहे. प्रसिध्द कथाकार जी.ए.कुलकर्णी यांच्या जन्म शताब्दी वर्षानिमित्त प्रत्येक महिन्याला एक अभिवाचन कार्यक्रम सादर होणार असून यामध्ये दोन कथा सादर करण्यात येणार आहेत.जुलै व ऑगस्ट महिन्यात पहिला,दुसरा कार्यक्रम आयोजित करण्याचा बहुमान तळेरे येथील संवाद परिवाराला मिळाला आहे. जी.ए.कुलकर्णी यांच्या प्रत्येक महिन्याला दोन कथांचे अभिवाचन वेगवेगळे दोन अभिवाचक करणार आहेत. यावेळी जिल्ह्यातील संजय शिंदे (मालवण) आणि अपर्णा परांजपे प्रभू (देवगड) हे दोन अभिवाचक जी.ए.कुलकर्णी यांच्या सुरस कथांचे वाचन करणार आहेत.या साहित्यिक कार्यक्रमाला साहित्य रसिकांनी मोठ्या संख्येने आवर्जून उपस्थित रहावे असे आवाहन संवाद परिवाराचे संस्थापक डॉ.मिलिंद कुलकर्णी यांनी केले आहे.
जी.ए.कुलकर्णी यांच्या शताब्दी वर्षानिमित्त शताब्दी संस्मरण अभिवाचनाचे “तिसरे पुष्प” शनिवार दि.९ सप्टेंबर रोजी तळेरे येथे गुंफणार…
