काँग्रेस आणि सिल्व्हर ओक सोबत घरोबा करून उद्धव ने हिंदुत्वाचा केला गेम
राज ठाकरेंच्या पाठिंब्यामुळे कलानगरमध्ये बरनॉल चा तुटवडा
सिंधुदुर्ग ( राजन चव्हाण ) : मनसे अध्यक्ष राज ठाकरे यांनी लोकसभा निवडणुकीत भाजपला बिनशर्त पाठिंबा जाहीर केला. मोदींना पाठिंबा देणे म्हणजे हिंदुत्व भक्कम करणे आहे.यासाठी मी राज ठाकरे यांचे अभिनंदन करतो. कदाचित काल राज ठाकरे यांच्या पाठिंब्यानंतर कलानगर मध्ये बरनॉल चा तुटवडा पडला असणार अशी टीका भाजपा आमदार नितेश राणे यांनी उद्धव ठाकरेंवर केली. 2019 मध्ये स्वतःचे 18 खासदार निवडून आणण्यासाठी भाजपला पाठिंबा दिला तेव्हा चालले मात्र जेव्हा देश हितासाठी राज ठाकरेंनी पाठिंबा दिला तर पोटशूळ उठला. राज ठाकरेंचा मनसे पक्ष नमो पक्ष झाला म्हणणाऱ्या कलांनगर चा नोकर संजय राऊत याने आता उबाठा पक्ष सिल्व्हर ओक वादी झाला असे म्हणावे काय ? मंगेश पाडगावकर यांच्या कवितेचा आधार घेत शेम शेम म्हणणाऱ्या संजय राऊत यांनी उद्धव ठाकरेंनी काँग्रेस आणि शरद पवारांशी घरोबा करून हिंदुत्वाचा गेम गेम केला असे म्हणायचे काय ? असा प्रतिसवाल आमदार नितेश राणे यांनी केला. उद्धव ठाकरे हे स्वार्थी असून भाजपा सोबत स्वार्थासाठी गेलो नाही असे म्हणणाऱ्या संजय राऊत याने कलानगर मातोश्री दोन ला परवानगी कशी मिळाली ? याचे उत्तर द्यावे असे आव्हान नितेश राणे यांनी दिले. अरविंद केजरीवाल यांच्या ईडी च्या कारवाई चे हायकोर्ट ने समर्थन केले आहे. त्यामुळे संजय राऊत याने आधी हायकोर्ट स्टेटमेंट वाचावे असा सल्लाही राणे यांनी दिला. उबाठा हा पूर्ण गांधीमय झाला असून काँग्रेस समोर झुकून झुकून गळ्यात पट्टा बांधावा लागला. आणि शेवटी जसलोक मध्ये जाऊन ऑपरेशन करून घ्यावे लागले असा टोलाही राणे यांनी लगावला.
