कणकवली (प्रतिनिधी) : कणकवली तालुक्यातील ६४ ग्रामपंचायतींच्या सन २०२५ ते २०३० या कालावधीसाठीची सरपंच पदासाठीची आरक्षण सोडत मंगळवारी काढण्यात आली.तालुक्यातील ६४ पैकी ३३ ग्रामपंचायती महिलांसाठी राखीव झाल्या आहेत. यात अनुसूचित जातीसाठी ५ ग्रामपंचायती राखीव असून त्यातील ३ महिलांसाठी आरक्षित झाल्या आहेत. नागरीकांच्या मागास प्रवर्गासाठी १७ ग्रामपंचायती आरक्षित असून त्यातील ९ महिलांसाठी तर खुल्या प्रवर्गातील ४२ पैकी २१ ग्रामपंचायती महिलांसाठी राखीव झाल्या आहेत.
कणकवली महाविद्यालयाच्या एच.पी.सी. एल.सभागृह रितेश पाटील व भार्गवी केळुसकर या दोन विद्यार्थ्यांच्या हस्ते चिठ्ठी उचलून आरक्षण सोडत काढण्यात आली. निवडणूक निर्णय अधिकारी तथा तहसीलदार दीक्षांत देशपांडे, निवासी नायब तहसीलदार मंगेश यादव, संजय गांधी निराधार योजना नायब तहसीलदार गंगाराम कोकरे,संभाजी खाडये,सत्यवान माळवे आदी यावेळी उपस्थित होते.सनियंत्रण अधिकारी तथा उपजिल्हाधिकारी आरती देसाई यांनी सोडत सुरू असलेल्या ठिकाणी भेट दिली.
अनुसूचित जातीसाठी ५ ग्रामपंचायती आरक्षित झाल्या आहेत. त्यापैकी अनुसुचित जाती महिलांसाठी नवीन कुर्ली, पिसेकामते, वाघेरी तर अनुसुचित जाती प्रवर्गासाठी शिरवल व दारिस्ते ग्रामपंचायत आरक्षित झाली आहे.नागरिकांचा मागास प्रवर्गासाठी १७ ग्रामपंचायती आरक्षित झाल्या आहेत.
यापैकी नागरिकांचा मागास प्रवर्ग महिलांसाठी ९ जागा आहेत.त्यामध्ये कलमठ, ओझरम, लोरे नंबर १, वागदे, खारेपाटण, हरकुळ बुद्रुक, तरंदळे, साकेडी,चिंचवली या ग्रामपंचायतींचा समावेश आहे.तर नागरिकांचा मागास प्रवर्गासाठी ८ ग्रामपंचायती आरक्षित झाल्या असून नडगीवे, ओटव, ओसरगाव, कासार्डे, वरवडे, फोंडाघाट, बोर्डवे,आयनल यांचा समावेश आहे.
सर्वसाधारण प्रवर्गासाठी ४२ग्रामपंचायती आरक्षित झाल्या आहेत.त्यातसर्वसाधारण महिलांसाठी २१ ग्रामपंचायतींचा समावेश आहे.त्यामध्ये
असलदे, कळसुली, कसवण – तळवडे, कुरंगवणे -बेर्ले, कोंडये, कोळोशी, डामरे, तळेरे, तीवरे, नांदगाव, पियाळी, हरकुळ खुर्द, भरणी, नाटळ, जानवली, शिडवणे, नरडवे, आशिये, बेळणे खुर्द, घोणसरी, साळीस्ते या ग्रामपंचायतींचा समावेश आहे.सर्वसाधारण प्रवर्गासाठी राखीव झालेल्या ग्रामपंचायतीमध्ये करंजे, करूळ, कासरल, कुंभवडे, गांधीनगर, तोंडवली -बावशी, दारोम, दिगवळे, नागवे, बिडवाडी, भिरवंडे, माईण, वायंगणी, वारगाव, शेर्पे, शिवडाव, सांगवे, सातरल, हळवल ,हुंबरठ, सावडाव या ग्रामपंचायतींचा समावेश आहे
