कणकवली ( प्रतिनिधी) : युवा संदेश प्रतिष्ठान नाटळ- सांगवे यांच्यावतीने सांगवे ग्रामपंचायत, कनेडी बाजारपेठ येथे महिलांसाठी मोफत मेहंदी, अंब्रोडरी व ग्लास पेंटींग प्रशिक्षण याचे आयोजन करण्यात आले असून या मोफत कोर्समध्ये महिलांसाठी सौ प्रियाली कोदे आणि त्यांचे सहकारी मार्गदर्शन करणार आहेत . हे प्रशिक्षण 10 दिवसाचे असून सोमवार दिनांक ७ ऑगस्ट २०२३ ते शुक्रवार दिनांक १८ ऑगस्ट २०२३ (शनिवार व रविवार वगळून) दुपारी ३ ते ५ या वेळेत हे प्रशिक्षण घेतले जाईल या प्रशिक्षण वर्गात विवीध प्रकारची मेहंदी, अंब्रोडरी व ग्लास पेंटींग शिकवली जाणार असून प्रशिक्षण वर्गाच्या शेवटी प्रमाणपत्र देण्यात येणार आहे .
तरी सर्वांनी सहभागी होण्याचे आवाहन मा श्री संदेश ऊर्फ गोट्या सावंत ,माजी जि प अध्यक्ष व मा सौ संजना संदेश सावंत,अध्यक्ष युवा संदेश प्रतिष्ठान तथा माजी अध्यक्ष जि प सिंधुदुर्ग यांनी केले आहे. कणकवली तालुक्यातील मुली व माहीला या प्रशिक्षण वर्गात सहभागी होवू शकतील नाव नोंदणी आवश्यक असून नावनोंदणी व अधिक माहिती साठी मयुरी मुंज.९४०४४५०४८४ किवा श्रीम राजश्री पवार ८२७५३६३८०१ यांच्याशी संपर्क साधण्याचे आवाहन युवा संदेश प्रतिष्ठानच्यावतीने करण्यात आले आहे.
