श्री देवी सरस्वती वाचनालय आणि ग्रंथ संग्रहालयाचे अध्यक्ष भालचंद्र केळकर यांचे निधन
कणकवली (प्रतिनिधी): मालवण तालुक्यातील चिंदर गावठणवाडी येथील पुरोहित तसेच आचरा दशक्रोशी ब्राम्हण मंडळ, मालवण तालुका ब्राह्मण मंडळाचे माजी अध्यक्ष, इनामदार श्री देव रामेश्वर ट्रस्ट आचरा सदस्य , श्री देवी सरस्वती वाचनालय व ग्रंथ संग्रहालयाचे अध्यक्ष भालचंद्र दत्तात्रय केळकर यांचे काल 22 आँक्टोबर रोजी वृध्दापकाळाने निधन झाले ते 62 वर्षांचे होते. त्यांच्या पश्चात पत्नी, दोन मुलगे, सुना, नातवंडे, भाऊ, पुतणे, बहिण, भावजया असा मोठा परिवार आहे. चिंदर गावठणवाडी येथील स्मशानभूमीत त्यांच्यावर शोकाकूल वातावरणात अंतिम संस्कार करण्यात आले. आयपीएस् सुभ्रमण्य केळकर व सिंधुदुर्ग पोलिस दलात कार्यरत असलेले मकरंद केळकर यांचे ते वडील होत. त्यांच्या निधनाने सर्वत्र दुःख व्यक्त करण्यात येत आहे.
