एसपी अग्रवाल यांच्या हॉटेल लॉज मालकांना सूचना
ओराेस (प्रतिनिधी) : ७ मे रोजी होवू घातलेली लोकसभा निवडणूक शांततेत पार पडावी. कोठेही अनुचित प्रकार घडू नयेत या करीता हॉटेलमध्ये मुक्कामा करीता येणारे पर्यटक, नागरीक यांचे ओळखपत्र घेवुन रजिस्टर व्यवस्थित भरुन ते जतन करणे. संशयास्पद हालचाली आणि हॉटेल रुम मध्ये अंमलीपदार्थ सेवन करीत असलेल्या लोकांची माहिती तात्काळ पोलीस विभागास कळवावी, अशा सूचना जिल्हा पोलीस अधीक्षक सौरभ कुमार अग्रवाल यांनी जिल्ह्यातील हॉटेल, लॉज मालक बैठकीत केले.
लोकसभा निवडणुक-2024 शांततेत व सुव्यवस्थेत पार पडावे याकरीता पोलीस अधीक्षक अग्रवाल यांनी जिल्ह्यातील हॉटेल, लॉज मालकांची गुरुवारी पोलीस अधीक्षक कार्यालयात बैठक घेतली. यावेळी अपर पोलीस अधीक्षक कृषिकेश अधिकारी, जिल्हा विशेष शाखा पोलीस निरीक्षक सचिन हुंदळेकर यांच्यासह जिल्ह्यातील हॉटेल व लॉज मालक मोठ्या संख्येने उपस्थित होते.
या बैठकीमध्ये आगामी लोकसभा सार्वत्रिक निवडणुक २०२४ शांततेत पार पडावी. कोठेही अनुचित प्रकार घडू नये. या करीता हॉटेल मध्ये मुक्कामा करीता येणारे पर्यटक नागरीक यांचे ओळखपत्र घेवुन रजिस्टर व्यवस्थित भरुन ते जतन करणे, संशयास्पद हालचाली आणि हॉटेल रुम मध्ये अंमलीपदार्थ सेवन करीत असलेले लोकांची माहिती तात्काळ पोलीस विभागास कळविणे या सुचना देतानाच सी.सी.टी.व्ही. कॅमेरे आणि अग्नीशमन यंत्रणा सुरळीत ठेवुन दक्षता घेण्याबाबतच्या सुचना सुद्धा देण्यात आल्या. परदेशी नागरीक हे वास्तव्यास असताना त्यांचेकडुन विहीत नमुन्यातील अर्ज भरुन ते संबंधित पोलीस ठाणेस सादर करणेच्या सुचना हॉटेल, लॉज मालकांना देण्यात आल्या. यासर्व सुचनांचे पालन करीत असतांना विनाकारण पर्यटकांना त्रास होणार नाही याची दक्षता घेण्याबाबतची सुचना देण्यात आली. यावेळी हॉटेल व लॉजेस मालक यांचेशी चर्चा करुन त्यांना येणा-या अडचणीबाबत मार्गदर्शन करण्यात आले.
