खारेपाटण (प्रतिनिधी) : मातोश्री सीताबाई सोशल फाउंडेशनचे संस्थापक अध्यक्ष व समाजसेवक यशवंत हरयाण यांनी नुकतीच खारेपाटण येथील शेठ नवीनचंद्र मफतलाल विद्यालय खारेपाटण या हायस्कूलला भेट दिली. यावेळी त्यांनी प्रशालेला विद्यार्थ्यांसाठी उपयुक्त अशी सुमारे ७०० पुस्तके भेट म्हणून दिली.
यावेळी खारेपाटण हायस्कूलचे मुख्याद्यापक संजय सानप यांनी शाळेच्या वतीने समाजसेवक यशवंत हरयान यांचे पुष्पगुच्छ देऊन स्वागत करण्यात आले. यावेळी शाळेचे पर्यवेक्षक संतोष राऊत, गुरसाळे सर, हरयान सर आदी शिक्षक वृंद उपस्थित होते. तसेच यापुढे देखील शाळेसाठी सर्वतोपरी सहकार्य करण्याची ग्वाही समाजसेवक व पुस्तक दाते यशवंत हरयान यांनी दिली. त्याबद्दल प्रशालेचे मुख्याध्यापक तथा प्राचार्य संजय सानप, पर्यवेक्षक संतोष राऊत, शिक्षक व शिक्षकेतर कर्मचारी यांनी त्यांचे आभार मानले. त्यांच्या या योगदानाबद्दल खारेपाटण पंचक्रोशी शिक्षण प्रसारक मंडळाचे अध्यक्ष प्रवीण लोकरे उपाध्यक्ष भाऊ राणे सचिव महेश कोळसुलकर, सर्व संचालक मंडळ यांनी देखील त्यांचे आभार मानले.
