कणकवली (प्रतिनिधी) : महाराष्ट्र शासनाच्या सांस्कृतिक कार्य विभागामार्फत १० दिवसीय नाट्य प्रशिक्षण शिबिराचे कणकवली HPCL हॉल कणकवली कॉलेज येथे आयोजन करण्यात आले आहे. याचा शुभारंभ 12 मार्च रोजी सकाळी कणकवलीचे तहसीलदार दीक्षांत देशपांडे, कणकवली च्या मुख्य अधिकारी गौरी पाटील, ज्येष्ठ पत्रकार आणि समाजसेवक अशोक करंबेळकर, कणकवली कॉलेज चे प्राचार्य महालिंगे, लोक कलावंत प्रा हरिभाऊ भिसे, अक्षरसिंधु चे अध्यक्ष संजय राणे आणि संयोजक विजय चव्हाण यांचे प्रमुख उपस्थितीत संपन्न झाला. सिंधुदुर्ग ही अनेक कला आणि कलाकारांची खाण आहे. इथे प्रत्येक घरात कलाकार जन्माला येतो. अनेक संस्था आणि मंडळे अतिशय मनापासून या कला जोपसण्यासाठीजीवापाड झटत असतात. त्यांचेसाठी शासनाने नाट्य प्रशिक्षण शिबीर आयोजित केलेय त्याचा सर्व शिबिरार्थी नी संपूर्ण कालावधीत लाभ घ्यावा असे आवाहन तहसीलदार दीक्षांत देशपांडे यांनी केले. तर गौरी पाटिल या बोलताना म्हणाल्या की आपल्याला व्यापामुळे नाट्य प्रशिक्षण घेता आले नाही. पण नाटकाची खुप आवड आहे. तुमच्यासारखे प्रशिक्षण मिळाले असतें तर अधिक आनंद झाला असता. अशोक करंबेळकर म्हणाले सिंधुदुर्ग आता शूटिंग हब बनलेय. दरदिवशी अनेक सिनेमा, सिरीयल, वेब सिरीज, यांचे शूटिंग सुरु आहे. त्याना स्थानिक कलाकार हवे असतात. या प्रशिक्षण मधून तयार झालेलेना रोजगारबरोबर करिअर करायची उत्तम संधी आहे. तर वामन पंडित म्हणाले विजय चव्हाण यांच्या प्रयत्नातून शासनाने मंजूर केलेले हे प्रशिक्षण सिंधुदुर्ग मधील नवोदित कलाकारांसाठी दिलेली एक सुवर्णसंधी आहे. प्रत्येका मध्ये एक कलाकार दडला आहे त्याला व्यक्त व्हायला दया. प्रा हरिभाऊ भिसे यांनी प्रास्ताविक केले तर सूत्रसंचालन संजय राणे यांनी केले. संयोजक विजय चव्हाण यांनी सर्वांचे स्वागत करून प्रशिक्षण चे स्वरूप विषद केले. यावेळी विवेक वाळके ऋषीकेश कोरडे, श्रद्धा परब, कणकवली कॉलेज चे अनेक प्राध्यापक, महाविद्यालयीन विद्यार्थी उपस्थित होते. शिबिराला उत्तम प्रतिसाद मिळाला असून सांगली, गोवा, देवगड, कवठी, माणगाव, असे दुरदुरून आणि ग्रामीण भागातून शिबिरार्थी उपस्थित आहेत. विशेष म्हणजे मुलीची संख्या लक्षनीय आहे.
१० दिवस चालणाऱ्या या शिबिराला दिग्गज्यांचे मार्गदर्शन लाभणार आहे यामध्ये जेष्ठ नाट्यकर्मी भालचंद्र कुबल, संभाजी सावंत, निखिल हजारें, रामनाथ थरवळ, वामन पंडित, डॉ राजेंद्र चव्हाण, सुहास वरुणकर,केदार सामंत, केदार देसाई, पूर्वा पंडित, किरण कदम, सौं नीता सावंत, प्रा. हरिभाऊ भिसे, निलेश पवार, विवेक वाळके, किशोर कदम इत्यादीचा समावेश आहे. रंगभूमीचे जतन व संवर्धन करून नवीन कलाकार तयार व्हावेत या हेतून सांस्कृतिक कार्य मंत्री ॲड. आशिष शेलार यांच्या संकल्पनेतून विकास खारगे, अपर मुख्य सचिव, सांस्कृतिक कार्य विभाग यांच्या मार्गदर्शनाखाली तसेच सांस्कृतिक कार्य संचालक विभीषण चवरे यांच्या नियोजनाखाली या प्रशिक्षण शिविराचे आयोजन करण्यात आलेले आहे.
नाट्य प्रशिक्षण शिबिराच्या माध्यमातून नवोदित कलाकारांना नाटकाच्या तंत्राचा अभ्यास व्हावा, योग्य मार्गदर्शन मिळावे, त्यांच्या कलागुणांचा विकास व्हावा व त्यांना योग्य व्यासपीठ मिळावे यासाठी हे नाट्य प्रशिक्षण शिबिर दिनांक १२ मार्च ते २१ मार्च २०२५ या दहा दिवसांच्या कालावधीत कणकवली महाविद्यालय HPCL हॉल मध्ये संपन्न होतं आहे. शिबिराबाबत संपर्क संयोजक विजय चव्हाण, प्रा हरिभाऊ भिसे, संजय राणे यांचेशी करावा.
