देवगड (प्रतिनिधी): पडेल बाणेवाडी येथील मंगेश सुधाकर बाणे 33 हे बिबट्या वाघाच्या हल्ल्यात गंभीर जखमी झाले आहेत सदरची घटना ही सोमवारी रात्री नऊ वाजण्याच्या सुमारास घडली आहे. पडेल बाणेवाडी येथील मंगेश बाणे हे पडेल कॅन्टीन वरून आपल्या घरी बाणेवाडी येथे मोटर सायकल वरून जात असताना अचानक रस्त्याच्या बाजूला तीन वाघ दिसून आले. त्या तीन वाघांपैकी एका बिबट्या वाघाने मंगेश बाणे यांच्या वरती हल्ला करून त्यांच्या उजव्या पायाला बिबट्या वाघाची नखे लागली आहेत. सुदैवाने मंगेश बाणे यांनी मोटरसायकलचा वेग वाढवल्यामुळे वाघाच्या प्राणघात हल्ल्यामधून बचावले आहेत मंगेश माने यांच्यावरती पडेल प्राथमिक आरोग्य केंद्र मध्ये उपचारासाठी दाखल करण्यात आले आहे. सदरची माहिती पडेल सरपंच भूषण पोकळे सदस्य प्रभाकर तानवडे समीर हेमले आदिती तानवडे यांना समजता त्यांनी पडेल प्राथमिक आरोग्य केंद्रात जाऊन मंगेश बाणे यांची चौकशी केली व बिबट्या वाघ यांचा बंदोबस्त करण्यासाठी वन विभागालाही त्यांनी कळवीले आहे भर वस्तीमध्ये बिबट्या वाघांचा संचार वाढल्यामुळे ग्रामस्थांमध्ये भीतीचे वातावरण निर्माण झाले आहे.
धावत्या मोटरसायकलवर बिबट्याचा हल्ला ; मोटरसायकलस्वार जखमी
