देवगड (प्रतिनिधी): विठठलादेवी शाळा नं 1 शाळेमध्ये शाळा पुर्वतयारी मेळावा 2023 चे आयोजन करण्यात आले होते. मुलांच्या शिक्षणात पालकांचा सहभाग वाढावा. मुलांमधील सुप्त कलागुणांची माहिती शिक्षक व पालक यांना व्हावी तसेच मुलांना शिक्षण घेताना ज्या अडीअडचणी येत आहेत हे पालकांच्या लक्षात यावे म्हणून या मेळाव्याचे आयोजन करण्यात आले होते. यावेळी मुलांचे औक्षण करुन पुष्प गुच्छ देऊन स्वागत करण्यात आले. मेळाव्याचे उदघाटन शाळा व्यवस्थापन समिती अधक्ष सायली नारकर यांनी दिप प्रज्वलन करुन केले. मुख्याध्यापक संजयकुमार खटावकर,अंगणवाडी मदतनीस पुजा नारकर,जान्हवी नारकर,अनुश्री नारकर, तसेच ग्रामस्थ उपस्थित होते. यावेळी पालकांना मुख्याध्यापकांनी मार्गदर्शन केले. या प्रसंगी जिल्हा परिषदेमध्ये आपल्या पाल्याला दाखल करणा-या पालकांचा पुष्प्गुच्छा देऊन शाळा व्यवस्थापन अध्यक्ष सायली नारकर यांनी स्वागत केले. तसेच सदर मेळावा यशस्वी होण्यासाठी मुख्याध्यापक संजयकुमार खटावकर, अंगणवाडी मदतनीस पुजा नारकर,सुनंदा नारकर यांनी विशेष मेहनत घेतली.
विठठलादेवी येथे शाळा पुर्वतयारी मेळावा संपन्न
