3 आरोपींना 5 फेब्रुवारी तर 2 आरोपींना 6 फेब्रुवारी केली अटक
तपासी अधिकारी डीवायएसपी डॉ.रोहिणी सोळंके यांचा यशस्वी तपास
सावंतवाडी (प्रतिनिधी) : सुशांत खिलारे खूनप्रकरणात मयत आरोपी भाऊसो माने आणि यापूर्वी अटकेत असलेला आरोपी तुषार माने व्यतिरिक्त आणखी 5 आरोपींची नावे निष्पन्न झाली आहेत.या खुनाच्या गुन्ह्यात एकूण आरोपींची संख्या 7 झाली असून अन्य 5 आरोपींना डीवायएसपी रोहिणी सोळंके यांच्या मार्गदर्शनाखाली पोलीस पथकाने अटक केली आहे. या गुन्ह्यातील आरोपी आबासो ऊर्फ अभय बाबासो पाटील (वय ३८ ता. वाळवा, जि. सांगली ) प्रविण विजय बळिवंत (वय २४ ,ता. वाळवा, जि. सांगली.), राहुल कमलाकर माने (वय २३ ,रा.गोळेश्वर मानेवस्ती कराड, ता. कराड, जि. सातारा ) या 3 आरोपींना 5 फेब्रुवारी रोजी तर स्वानंद भारत पाटील (वय ३९ , रा. इस्लामपुर, ता. वाळवा, जि. सांगली ), राहुल बाळासाहेब पाटील (वय ३१ वर्ष, रा. बहे, ता. वाळवा, जि. सांगली ) याना 6 फेब्रुवारी रोजी अटक करण्यात आली आहे. अधिक तपास डीवायएसपी डॉ. रोहिणी सोळंके करत आहेत.
