खारेपाटण (प्रतिनिधी) : कणकवली तालुक्यातील कुरंगवणे गावचे सुपुत्र कु.ओम विनोद उन्हाळकर एस डी पी नॅशनल चॅम्पियनशिप – २०२४ स्पर्धेत ३ किलोमिटर धावणे क्रीडा प्रकारात प्रथम क्रमांक पटकावला बद्दल कुरंगवणे – बेर्ले ग्रामपंचायतीच्या वतीने सरपंच संतोष उर्फ पप्पू ब्रम्हदंडे यांच्या शुभहस्ते नुकताच ग्रामपंचायत कार्यालयात गावच्या वतीने सत्कार करण्यात आला.
यावेळी उपसरपंच बबलू पवार,सामाजिक कार्यकर्ते सूरज पवार,ग्रा.पं.सदस्य रवींद्र पवार,श्रीम.विशाखा राऊत, ग्रामसेवक गिरीश धुमाळे,ग्रामस्थ विनोद उन्हाळकर,श्रीकृष्ण लाड,शिवाजी गोसावी,दीपक कुडाळकर,राजेंद्र लाड,अंकुश सादिकले,सचिन कदम,वनिता गोसावी,सोनाली पवार आदी मान्यवर उपस्थित होते.
कुरांगवणे गावच्या वतीने राष्ट्रीय स्पर्धेत यश मिळविल्याबद्दल कु.ओम विनोद उन्हाळकर याचा शाल श्रीफळ पुषगुच्छ व सन्मान पत्र देऊन गौरव करण्यात आला.
