वैभववाडी (प्रतिनिधी) : शिवसेना पक्षप्रमुख तथा महाराष्ट्र राज्याचे माजी मुख्यमंत्री उद्धव बाळासाहेब ठाकरे यांचा वाढदिवस शिवसेना युवासेना वैभववाडी तालुक्याच्या वतीने विविध सामाजिक उपक्रम राबवीत साजरा करण्यात आला.वैभववाडी दत्त मंदिर येथे उद्धव ठाकरे यांच्या दीर्घायुष्यासाठी तसेच उद्धव ठाकरे महाराष्ट्र राज्याचे पुन्हा एकदा मुख्यमंत्री होण्यासाठी अभिषेक करण्यात आला.
त्यानंतर शिवसेना युवासेना वैभववाडी तालुका आणि सिंधू रक्त प्रतिष्ठान वैभववाडी यांच्या संयुक्त विद्यमाने आयोजित भव्य रक्तदान शिबिराला सुरुवात झाली यावेळी या शिबिराला उस्फूर्त्त प्रतिसाद मिळाला.या रक्तदान शिबिरात 44 रक्तदात्यांनी रक्तदान केले.
रक्तदान केलेल्या प्रत्येक रक्तदात्याला युवासेना जिल्हाप्रमुख सुशांत नाईक यांच्याकडून एक छत्री आणि कणकवली विधानसभा संपर्कप्रमुख अतुल रावराणे यांच्याकडून एक काजू कलम देऊन आभार मानण्यात आले.
सकाळी युवासेना जिल्हाप्रमुख सुशांत नाईक यांच्याप्रमुख उपस्थितीत दीप प्रज्वलन करून रक्तदान शिबिराला सुरुवात झाली. शिवसेना जिल्हा प्रमुख संदेश पारकर यांनी या शिबिराच्या ठिकाणी सदिच्छा भेट देऊन शुभेच्छा दिल्या.यावेळी शिवसेना जिल्हाप्रमुख -संदेश पारकर व युवासेना जिल्हाप्रमुख -सुशांत नाईक यांच्यासोबत तालुकाप्रमुख- मंगेश लोके, युवासेना जिल्हा चिटणीस- स्वप्निल धुरी,उपजिल्हाप्रमुख- नंदू शिंदे,उपजिल्हाप्रमुख- रज्जब रमदूल, जिल्हा कार्यकारी सदस्य -दिगंबर पाटील, युवासेना तालुकाप्रमुख- रोहित पावसकर, शहर प्रमुख- शिवाजी राणेे, नगरसेवक- रणजीत तावडे, विभाग प्रमुख- जितेंद्र तळेकर , उपतालुका संघटक- बाबा मोरे, लक्ष्मण रावराणे ,अनिल नराम,विलास पावसकर,गणेश पवार, यशवंत गवाणकर्,संदेश सुतार,सुनिल रावराणे,आनंद नांदोस्कर,बबन धुरी,प्रवीण गायकवाड,राजेश पवार, भाई रावराणे ,सुरेश चाळके यांसह अनेक पदाधिकारी कार्यकर्ते उपस्थित होते.
