वैभववाडी (प्रतिनिधी) : बहुजन समाज पार्टीचे उमेदवार चंद्रकांत जाधव कणकवली देवगड वैभववाडी विधानसभा सभा निवडणूक रिंगणात उतरले आहेत. यापूर्वीही त्यांनी सन २०१४ साली या मतदार संघातून बसपा कडून निवडणूक लढवली होती.
वैभववाडी तालुक्यातील सांगुळवाडी येथील सर्वसामान्य कुटूंबातील जाधव हे बहुजन समाज पार्टीचे एकनिष्ठ कार्यकर्ते आहेत.तालुक्यात ते टी सी या टोपण नावाने परिचित आहेत. पक्षाने आपल्यावर टाकलेली जबाबदारी प्रामाणिकपणे पार पडणार आहे. आपण बहुजन समाज पार्टीचे विचार पक्षाचे चिन्ह घराघरात पोचवण्याचे काम करणार आहोत. डॉ. बाबासाहेब आंबेडकर यांनी आपल्या अनुयाना तुम्ही शासनकर्ती जमात व्हा. असे सांगितले होते. मात्र आज आपण पाहतो आहोत. स्वतःला आंबेडकरी अनुयायी म्हणणारे पुढारी अन्य पक्षांच्या दावणीला बांधले गेले आहेत. बहुजन समाज पक्षाचे संस्थापक कांशीराम यांनी डॉ बाबासाहेब आंबेडकरांचे विचार घेऊन पक्षाची स्थापना केली. त्याचा देशभर विस्तार केला आहे. अशा डॉ. बाबासाहेब आंबेडकर यांच्या विचार धारेवर चालणाऱ्या बहुजन समाज पक्ष घराघरात पोचवण्यासाठी आपण प्रयत्न करत असून लोकांकडून आपल्या उस्फुर्त पाठींबा मिळत आहे. याचा आपल्याला अभिमान आहे.
