शिरवलमधून जास्तीत जास्त मतदान पारकर यांना देणार; मतदारांचा मिळतो उस्फूर्त प्रतिसाद
कार्यकर्त्यांनी केला निर्धार
कणकवली (प्रतिनिधी) : कणकवली विधानसभा मतदारसंघाचे महाविकास आघाडीचे उमेदवार संदेश पारकर यांच्या प्रचाराचा शुभारंभ शिरवल गावचे ग्रामदैवत श्री. लिंगरवळनाथ मंदिर येथे श्रीफळ वाढवून सोमवारी करण्यात आला.यावेळी महाविकास आघाडीच्या वतीने उबाटा पक्षाच्या कार्यकर्त्यांनी मतदारांच्या घरोघरी भेट देत गाठीभेटी घेतल्या.यावेळी मतदारांचा उत्स्फूर्त प्रतिसाद संदेश पारकर यांना मिळत असल्याचे कार्यकर्त्यांनी सांगितले. संदेश पारकर यांना शिरवल गावातून जास्तीत जास्त मताधिक्य देऊन आपल्या हक्काचा आमदार म्हणून संदेश भाई यांना विधानसभेत पाठवणार असल्याचा निश्चय आपण केल्याचे शिरवल येथील उबाटा पक्षाच्या वतीने कार्यकर्त्यांनी सांगितले.
यावेळी शिरवल सरपंच गौरी वंजारे उपसरपंच प्रवीण तांबे, शाखाप्रमुख प्रमोद सावंत,शिरवल सोसायटीचे व्हाईस चेअरमन भाई कोदे, माजी तंटामुक्ती अध्यक्ष प्रमोद नानचे ,शिरवल सोसायटीचे संचालक विष्णू ताम्हणेकर,अजित सावंत, ग्रामपंचायत सदस्य चैताली पांचाळ, गुरुप्रसाद वंजारे, संतोष गुरव ,अनिल शिरसाट, महेश मेस्त्री आदीं उपस्थित होते.
