कणकवली (प्रतिनिधी) : कणकवली देवगड वैभववाडी विधानसभा मतदारसंघाचे भाजपा महायुतीचे उमेदवार नितेश राणे यांच्या प्रचाराचा राणेंच्या मूळगावी वरवडे गावात शुभारंभ करण्यात आला. ग्रामदेवता श्री भैरवनाथ, श्री देव लिगेश्र्वर, दिरबाई चरणी श्रीफळ ठेवून नितेश राणेंच्या विजयासाठी साकडे घालण्यात आले. यावेळी खासदार नारायण राणे यांचे बंधू अशोक राणे, कणकवली तालुका खरेदी विक्री संघाचे चेअरमन प्रकाश सावंत,भाजपा तालुका उपाध्यक्ष सोनू सावंत, वरवडे सरपंच करुणा घाडी, उपसरपंच अमोल बोंद्रे, सामाजिक कार्यकर्ता अचित कदम, सर्व ग्रामपंचायत सदस्य, भाजपा पदाधिकारी, तालुका पदाधिकारी कार्यकर्ते लोकप्रतिनिधी ग्रामस्थ बहुसंख्येने उपस्थित होते. वरवडे गावचे सुपुत्र असलेल्या आमदार नितेश राणे यांना शतप्रतिशत मतदान करण्याचा संकल्प यावेळी करण्यात आला.
वरवडे गावात नितेश राणेंच्या प्रचाराचा शुभारंभ
