कवठी ग्रामस्थ मंडळ आयोजित पारंपरिक नारळ लढविणे स्पर्धेचा जि. प सदस्य रुपेश पावसकर यांच्या हस्ते शुभारंभ
कुडाळ (प्रतिनिधी) : कवठी ग्रामस्थ मंडळ आयोजित पारंपरिक नारळ लढविणे स्पर्धेचा जि. प सदस्य रुपेश पावसकर यांच्या हस्ते श्रीफळ वाढवून शुभारंभ करण्यात आला. यावेळी बोलताना रुपेश पावसकर यांनी गोरे दशावतार नाट्य मंडळाला दिल्ली येथे आपली कला सादर करण्याचा मान मिळाला व गावाचे नावलौकिक केले याचा मला अभिमान असून दिनेश गोरे यांचे कौतुक केले व कवठी ग्रामस्थ मंडळ विविध उपक्रम राबवित असते याचे कौतुक करत नारळ लढविणे स्पर्धा ठेवून जुन्या जाणत्या लोकांची कलागुण जोपासत असून परंपरा कायम ठेवत आहे असेच उपक्रम राबवून गावात एकोपा राखावा आपण आपल्या परीने सर्वतोपरी मदत करू अशी ग्वाही दिली व कार्यक्रमाला शुभेच्छा दिल्या तसेच शिवसेनेचे अतुल बंगे यांनी कार्यक्रमाला शुभेच्छा देताना नारळ लढविणे स्पर्धा आपल्या गावातून सुरू झाली असून ती महाराष्ट्रात नावलौकिक होईल यात शंका नाही असे सांगत दिनेश गोरे आपली कला सातासमुद्रापलीकडे नेत आहेत याचा सार्थ आनंद आहे अशीच प्रगती होत राहो असे मत व्यक्त केले.
यावेळी पंचायत समिती सदस्या अर्चना बंगे, भंडारी समाजाचे जिल्हा कार्याध्यक्ष राजू गवंडे, सरपंच स्वाती करलकर, दिनेश गोरे, रुपेश वाड्येकर, रुपेश खडपकर, मंगेश बांदेकर, देवस्थान कमिटी अध्यक्ष कवठकर, दादा करलकर आदी मान्यवर व ग्रामस्थ उपस्थित होते.
