ब्युरो न्यूज (मुंबई) : मल्टिपल मायलोमा या रक्ताच्या कर्करोगासह मूत्रपिंडाच्या गंभीर समस्यांचा सामना करणारे अनंत लक्ष्मण धुरी यांच्यावर सध्या उपचार सुरू आहेत. त्यांच्या पुढील उपचारांसाठी मोठ्या आर्थिक मदतीची आवश्यकता असून, समाजातील दानशूर व्यक्तींनी मदतीसाठी पुढे यावे, असे आवाहन करण्यात आले आहे.
अनंत धुरी यांच्यावर ठाणे येथील श्रीदेवी हॉस्पिटलमध्ये उपचार सुरू आहेत. त्यांना पुढील उपचारांसाठी केमोथेरपीची आवश्यकता आहे. आतापर्यंत उपचारांवर सुमारे तीन लाख रुपये खर्च झाले असून, पुढील उपचारांसाठी आणखी दहा लाख रुपयांची आवश्यकता असल्याची माहिती कुटुंबीयांनी दिली.
उपचारांचा वाढता खर्च लक्षात घेता, ImpactGuru या क्राउडफंडिंग व्यासपीठाच्या माध्यमातून निधी संकलन मोहीम सुरू करण्यात आली आहे. समाजातील दानशूर व्यक्ती, सामाजिक संस्था आणि नागरिकांनी आपल्या क्षमतेनुसार आर्थिक मदत करावी असे आवाहन कुटुंबियांनी केले आहे.
गंभीर आजाराशी लढणाऱ्या रुग्णाला वेळेवर उपचार मिळण्यासाठी समाजातील प्रत्येकाची मदत मोलाची ठरू शकते. माणुसकीच्या भावनेतून सर्वांनी या मदत मोहिमेला सहकार्य करावे, असे आवाहन करण्यात आले आहे.
