वेंगुर्ले(प्रतिनिधी) : 28 मे हा स्वातंत्र्यवीर सावरकरांचा जन्मदिन. या निमित्ताने भाजपने आपल्या वेंगुर्ले येथील कार्यालयात स्वातंत्र्यवीर सावरकर जयंती उत्सव साजरा केला. वेंगुर्ल्यातील निवृत्त शिक्षक व साहित्यिक अजित राऊळ यांनी स्वातंत्र्यवीर सावरकरांच्या प्रतिमेस पुष्पहार अर्पण केला व उपस्थित कार्यकर्त्यांनी अभिवादन केले. अजित राऊळ यांनी स्वातंत्र्यवीर सावरकरांचे शिक्षण व क्रांतिकार्य या विषयावर उपस्थितांचे प्रबोधन केले. यावेळी विचार मांडताना राष्ट्रभक्तीची धगधगती ज्वाळा , अखंड हिंदु राष्ट्राचे पुरस्कर्ते , भारतीय क्रांतिकारकांचे मुकुटमणी आणि हिंदुतेजसुर्य , भारतीय स्वातंत्र्यलढ्यातील अग्रनेते , विचारवंत , तत्वज्ञ असे बहुआयामी व्यक्तिमत्त्व होते असे सांगून, स्वातंत्र्याचे महत्त्व आणि देशाच्या स्वातंत्र्यासाठी सावरकरांनी केलेला त्याग यांची महती विविध उदाहरणातून त्यानी स्पष्ट केली.
या कार्यक्रमा आधी मोदीजींच्या मन की बात चेही कार्यकर्त्यांनी अवलोकन केले.
यावेळी जिल्हा सरचिटणीस प्रसंन्ना देसाई , तालुक्याध्यक्ष सुहास गवंडळकर , नगराध्यक्ष राजन गिरप , जि.का.का.सदस्य साईप्रसाद नाईक , ता.सरचिटणीस प्रशांत खानोलकर व बाबली वायंगणकर , खरेदी विक्री संघ चेअरमन ज्ञानेश्वर केळजी , नगरसेवक प्रशांत आपटे , महीला मोर्चाच्या वृंदा गवंडळकर , सोशल मिडीयाचे श्रीकृष्ण उर्फ राजु परब , ओबीसी सेलचे शशी करंगूटकर इत्यादी उपस्थित होते .
कार्यक्रमाचे प्रास्ताविक व व आभार प्रसंन्ना देसाई यांनी केले .
वेंगुर्ला भाजप कार्यालयात स्वातंत्र्यवीर सावरकर जयंती साजरी
