खारेपाटण (प्रतिनिधी): खारेपाटण पंचक्रोशी शिक्षण प्रसारक मंडळ खारेपाटण संचलित, शेठ नवीनचंद्र मफतलाल विद्यालय व जुनिअर कॉलेज ऑफ आर्ट्स, कॉमर्स, सायन्स व प्लस टू स्तरावरील व्यवसाय अभ्यासक्रम या प्रशालेमध्ये सोमवार दिनांक 26 जून रोजी राजर्षी छत्रपती शाहू महाराज यांची जयंती उत्साहात संपन्न झाली. या कार्यक्रमाला प्रशालेचे प्राचार्य संजय सानप, पर्यवेक्षक अजय गुरसाळे, एमकेसीएलचे सिंधुदुर्ग डिस्ट्रिक्ट टेक्निकल सपोर्टर वासुदेव मिठबावकर, खारेपाटण येथील यश कॉम्प्युटरचे संचालक मंगेश गुरव तसेच सर्व शिक्षक वृंद आणि शिक्षकेतर कर्मचारी उपस्थित होते. सर्वप्रथम वासुदेव मिटबावकर यांच्या हस्ते राजर्षी शाहू महाराजांच्या प्रतिमेला पुष्पहार अर्पण करून आदरांजली देण्यात आली. त्यानंतर राजर्षी शाहू महाराजांच्या कार्याबाबत प्राचार्य संजय सानप यांनी मार्गदर्शन केले.
शेठ नवीनचंद्र मफतलाल विद्यालय व जुनिअर कॉलेज खारेपाटणमध्ये राजर्षी छत्रपती शाहू महाराज जयंती उत्साहात संपन्न
