खारेपाटण (प्रतिनिधी) : कणकवली तालुक्यातील खारेपाटण या गावातील नगर वाचनालय खारेपाटण यांच्यावतीने मराठी राज्यभाषा दिनाचे औचित्य साधून ग्रंथ प्रदर्शनाचे आयोजन नुकतेच नगर वाचनालयाच्या इमारतीत करण्यात आले होते.या ग्रंथ प्रदर्शनाचे उद्घाटन नगर वाचनालयाचे विश्वस्त विजय देसाई यांच्या शुभहस्ते फित कापून करण्यात आले.
या कार्यक्रमाला नगर वाचनालय खारेपाटणचे संचालक अशोक नवरे सर, मनीषा मालंडकर, संतोष पाटणकर,खारेपाटण हायस्कूल व ज्युनियर कॉलेज चे शिक्षक नितीन वरूनकर,सचिन शेट्ये तसेच खारेपाटण नगर वाचनालयाचे ग्रंथपाल महेश सकपाळ,लिपिक सौ रिया जाधव आदी मान्यवर उपस्थित होते.
प्रारंभी मराठी वृत्तपत्र सृष्टीचे जनक आद्य पत्रकार बाळशास्त्री जांभेकर यांच्या प्रतिमेला मनीषा मालंडकर यांच्या शुभहस्ते पुष्पहार अर्पण करून कार्यक्रमाची सुरवात करण्यात आली. यानिमित्ताने आयोजित करण्यात आलेल्या ग्रंथप्रदर्शनला खारेपाटण हायस्कूल व. ज्युनियर कॉलेज तसेच जि.प.पूर्ण प्राथमिक केंद्र शाळा खारेपाटण नं.१ या शाळेच्या शिक्षक व विद्यार्थ्यांनी भेट दिली.व ग्रंथप्रदर्शनाचा लाभ घेतला. उपस्थित सर्व मान्यवरांचे नगर वाचनालयाचे ग्रंथपाल महेश सकपाळ पुष्पगुच्छ स्वागत केले. आभार व्यक्त केले.
