खारेपाटण (प्रतिनिधी) : विद्यार्थांच्या सर्वांगीण विकासात महत्वाचे योगदान देणाऱ्या आजीवन अध्ययन आणि विस्तार विभागाची प्रथम सत्र कार्यशाळा नुकतीच कला,वाणिज्य व विज्ञान महाविद्यालय खारेपाटण येथे महाविद्यालयाचे प्राचार्य डॉ.ए डी कांबळे यांच्या अध्यक्षतेखाली संपन्न झाली. मुंबई विद्यापीठ व आजीवन विभागाचे संयुक्त विद्यमाने संपन्न झालेल्या या कार्यशाळेचे उद्घघाटन वैभववाडी महाविद्यालयाचे प्राध्यापक व जिल्हा समन्वयक आजीवन अध्ययन आणि विस्तार विभागाचे प्रमुख प्रा.एस एन पाटील यांच्या शुभहस्ते दीपप्रज्वलित करून करण्यात आले. यावेळी खारेपाटण महाविद्यालयाचे प्रा.व्हंकळी जि . पी. विभाग प्रमुख विस्तार कार्य शिक्षक, प्रा.शिंदे पी.जि. विस्तार कार्य शिक्षक, प्रा.सैयद व्ही. एच .सिधुदुर्ग जिल्हा समन्वयक एन एस एस व सर्व प्राध्यापक वर्ग या कार्यशाळेला उपस्थित होते.
उद्घाटनप्रसंगी मनोगत व्यक्त करताना कार्यक्रमाचे अध्यक्ष प्राचार्य डॉ. कांबळे ए. डी . यांनी आजीवन अध्ययन व विस्तार विभागाच्या कार्याचा आढावा घेऊन ग्रामीण भागात जाऊन तेथील जनतेचा कल्याणाच्या दृष्टीने प्राध्यापक आणि विद्यार्थ्यांनी काम करावे असे मनोगत व्यक्त केले व उपस्थित प्राध्यापक व विद्यार्थी स्वयंसेवकांना मार्गदर्शन केले. तर या कार्यशाळेत प्रा. एस. एन. पाटील जिल्हा समन्वयक आजीवन अध्ययन आणि विस्तार विभाग यांनी विभागाची ओळख व विभागामार्फत विविध प्रकल्प राबविले जातात त्या प्रकल्पाची माहिती विद्यार्थाना करून दिली तसेच ग्राहक सरंक्षण कायद २०१९ विषयी मार्गदर्शन केले. प्रथम सत्र प्रशिक्षण कार्यशाळेमध्ये विस्तार विभागाच्या ध्येय उद्दिष्टांची चर्चा केली गेली आणि वर्षभर घेतल्या जाणाऱ्या उपक्रमांची माहिती देण्यात आली.
या कार्यक्रमाचे प्रास्ताविक महाविद्यालयाच्या आजीवन अध्ययन आणि विस्तार विभागाचे विस्तार कार्य शिक्षक प्रा.शिंदे पी.जि. यांनी केले. तसेच कार्यक्रमाचे स्वागत व सूत्रसंचालन प्रा. पांचाळ मॅडम व आभार प्रा.व्हंकळी जि . पी. विभाग प्रमुख यांनी मानले. कार्यक्रम यशस्वी करण्यासाठी विभागाचे विद्यार्थी प्रतिनिधी माधवी शेंगाळे, अविनाश गोसावी, क्रांती भोसले, आकांक्षा कोकाटे, साईलकुमार भालेकर व सर्व प्राध्यापक व विद्यार्थ्यांनी विशेष परिश्रम घेतले.
