दोडामार्ग (प्रतिनिधी) : ज्ञान कर्म भक्ती आणि मुक्ती संस्था (महा. रं. न. एफ १७९८) यांच्या वतीने परम संतांच्या वाणीवर आध्यात्मिक सत्संग सोहळा – भंडारा कार्यक्रम येत्या १९ आणि २० मार्च २०२४ रोजी कुडासे भरपाल (ता. दोडामार्ग, जिल्हा : सिंधुदुर्ग) संस्थेच्या मठामध्ये आयोजित केला आहे. मंगळवार, १९ मार्च रोजी सकाळी १० ते ११ : भक्तिगीते व भजने, सकाळी ११ ते दु. १२.३० संतवाणी प्रवचन, दुपारी १२.३० ते दुपारी १ संतदर्शन व कृपाप्रसाद, दुपारी १.३० ते दुपारी २.३० महाप्रसाद होईल. तसेच बुधवार, २० मार्च रोजी सकाळी १० ते ११ भक्तिगीते व भजने, सकाळी ११ ते दुपारी १२.३० श्री संत सद्गुरू आनंदी गुरुजींच्या दिव्य वाणीतून परम संतांच्या वाणीवर अध्यात्मिक प्रवचन, दुपारी १२.३० ते दुपारी १ संतदर्शन व कृपाप्रसाद, दुपारी १ ते २.३० महाप्रसाद होईल. या सोहळ्याचा सर्व सदभक्तांनी संत दर्शन महाप्रसादाचा लाभ घ्यावा असे आवाहन करण्यात आले आहे. या सोहळ्यासाठी बाहेरगावाहून येणारे सदभक्त आणि साधक यांची निवासाची सोय हॉलवर करण्यात आली.
