आमदार सतेज पाटील व आमदार ऋतुराज पाटील यांच्यावतीने प्रोत्साहनपर बक्षीस
कोल्हापूर (प्रतिनिधी) : पॅरिस ऑलिम्पिक २०२४ मध्ये कांस्य पदक मिळवलेल्या स्वप्नील कुसाळे याच्या यशाबद्दल आमदार सतेज पाटील व आमदार ऋतुराज पाटील यांच्या वतीने जाहीर करण्यात आलेला ५ लाख रुपये रकमेचा धनादेश आज कांबळवाडी (ता. राधानगरी ) येथील त्याच्या घरी जाऊन वडील सुरेश कुसाळे आणि कुटुंबीय यांच्याकडे सुपूर्द केला. यावेळी त्याच्या वडिलांकडून स्वप्नीलच्या यशाचा इतिहास, संघर्ष, नम्रता,चिकाटी याबद्दल ऐकताना भारावून आमदार ऋतुराज पाटील भारावून गेले.
याप्रसंगी कांबळवाडीच्या लोकनियुक्त सरपंच व स्वप्निलच्या आई सौ. अनिता कुसाळे, काका शिवाजीराव कुसाळे, भाऊ सुरज यांच्यासह माजी जि. प. सदस्य पांडुरंग भांदिगरे, मोहन धुंदरे, सतीश बरगे सर व कुसाळे कुटुंबीय , ग्रामस्थ उपस्थित होते.
