विधानसभा संपर्क प्रमुख सतीश सावंत यांच्या उपस्थितीत केला प्रवेश
खारेपाटण (प्रतिनिधी) : सद्या विधानसभा निवडणुकीची सर्वत्र धामधूम सुरू असतानाच सर्वच पक्षात कार्यकर्त्यांच्या पक्ष प्रवेशाला देखील बहर आलेला दिसत असून कणकवली तालुक्यातील खारेपाटण गुरववाडी येथील देखील युवा कार्यकर्त्यांनी नुकताच उद्धव बाळासाहेब ठाकरे -शिवसेना या पक्षात कणकवली विधानसभा मतदार संघ संपर्क प्रमुख सतीश सावंत व खारेपाटण जि.प.मतदार संघ संपर्क प्रमुख सतीश गुरव यांच्या प्रमुख उपस्थितीत कणकवली येथे जाहीर पक्ष प्रवेश केला.
शिवसेना विधनसभा संपर्क प्रमुख सतीश सावंत यांच्या कणकवली येथील निवासस्थानी झालेल्या पक्ष प्रवेशावेळी शिवसेना युवा कार्यकर्ते तेजस राऊत,निखिल गुरव,हर्षद राऊत,समीर गुरव,दिनेश खांडेकर आदी प्रमुख पदाधिकारी उपस्थित होते. खारेपाटण गुरववाडी येथील शिवसेना पक्षात पक्ष प्रवेश केलेल्या युवा कार्यकर्त्यामध्ये संदेश घाडी,गणेश गुरव,अक्षय गुरव, अभिषेक गुरव,राजा गुरव,नितेश गुरव,समीर गुरव आदींचा समावेश आहे.मा.शिवसेना पक्षप्रमुख उद्धव बाळासाहेब ठाकरे यांच्या शिवसेना या पक्षावर व नेतृत्वावर विश्वास ठेऊन खारेपाटण गुरववाडी येथील कार्यकर्त्यांनी शिवसेना पक्षात प्रवेश केला असल्याचे खारेपाटण शिवसेना जि.प.संपर्क प्रमुख सतीश गुरव यांनी यावेळी सांगितले.
तर ऐन विधानसभा निवडणूकीच्या पार्श्वभूमीवर खारेपाटण गुरववाडी येथील युवकांनी शिवसेना पक्षात प्रवेश केल्यामुळे शिवसेना पक्षाची खारेपाटण येथे ताकद वाढण्यासाठी मदत होणार असल्याचे बोलले जाते. तर विधानसभा निवडणुकीत शिवसेना आमदारकीचे उमेदवार संदेश पारकर यांचा प्रचार करून त्यांना निवडून आणणार असल्याचे सर्व नव्याने प्रवेश केलेल्या युवा कार्यकर्त्यांनी सांगितले तर शिवसेना उबाठा पक्षात प्रवेश केलेल्या सर्व युवा कार्यकर्त्यांचे शिवसेना प्रमुख पदाधिकाऱ्यांच्या वतीने स्वागत करण्यात आले.
