दोन्ही राणे बंधू मोठ्या मतधिक्याने निवडून येतील ; रफिक नाईक
खारेपाटण (प्रतिनिधी) : सिंधुदुर्ग जिल्ह्यातील अल्पसंख्यांक मुस्लिम समाज नेहमीच खासदार नारायण राणे आणि त्यांच्या कुटुंबियांच्या पाठीशी राहिलेला असून महायुतीचे कणकवली देवगड वैभववाडी विधासभा मतदार संघाचे उमेदवार नितेश राणे आणि कुडाळ मालवण विधानसभा मतदार संघाचे उमेदवार निलेश राणे हे दोन्ही राणे बंधू मोठ्या मताधिक्याने निवडून येतील असा विश्वास सिंधुदुर्ग जिल्ह्यातील खारेपाटण येथील अल्पसंख्याक मुस्लिम समाजाचे पदाधिकारी श्री रफिक नाईक यांनी व्यक्त केला आहे.
माजी केंद्रीय मंत्री व विद्यमान खासदार नारायण राणे व आमदार नितेश राणे आणि माजी खासदार नीलेश राणे हे नेहमीच मुस्लिम समाजाच्या पाठीशी राहिलेले असून अल्पसंख्याक वाडी वस्त्यांमधील विकास हा राणे त्यांच्यामुळेच झालेला आहे. त्यामुळे खारेपाटण सह सिंधूदूर्ग जिल्ह्यातील सर्व मुस्लिम समाज विरोधकांच्या फेक नेरेटीव्हला बळी न पडता राणेंना मोठ्या मताधिक्याने विजयी करून विकसाला साथ देणार आहेत असे देखील श्री रफिक नाईक यांनी यावेळी सांगितले.
