कणकवली (प्रतिनिधी) : पेन्शनर भवन कणकवली येथे ग्राहक पंचायत कणकवली व सेवानिवृत्त पेन्शनर संघटना तालुका कणकवली यांच्या संयुक्त विद्यमाने जागतिक ग्राहक हक्क दिन शनिवार १५ मार्च रोजी साजरा करण्यात आला.यावेळी कार्यक्रमाचे अध्यक्ष ग्राहक पंचायत महाराष्ट्र सिंधुदुर्ग चे उपाध्यक्ष सिताराम उर्फ दादा कुडतरकर, सहसंघटक रिमा भोसले सहसचिव सुगंधा देवरूखकर, कणकवली तालुका सल्लागार मनोहर पालयेकर, तालुकाध्यक्ष श्रद्धा कदम व अन्य मान्यवर उपस्थित होते.यावेळी विधी सेवा विषयी माहिती रिमा भोसले यांनी दिली. केंद्र शासनाने यावर्षीचा ग्राहक दिन साजरा करणेसाठी A just transition to sustainable lifestyles अशी संकल्पना निश्चित केली,त्या अनुषंगाने शाश्वत जीवन शैलीसाठी न्याय संक्रमण ही संकल्पना जिल्हा ग्राहक पंचायतीच्या जिल्हा महिला सहसंघटक सौ रीमा भोंसले यांनी स्पष्ट केली. तसेच श्रद्धा कदम यांनी ग्राहक संरक्षण कायदा 1986 ने दिलेले ग्राहकांना दिलेले हक्क व ग्राहकांची कर्तव्ये याविषयी मार्गदर्शन केले.तसेच ग्राहकांची होणारी फसवणूक अनेक ठिकाणी केली जाते हे साधार उदाहरणे देऊन सांगितले.याशिवाय ग्राहक वर्गाचे हक्क अन अधिकार याबाबतही विस्तृत माहिती दिली,यावेळी अध्यक्षीय भाषणात दादा कुडतरकर यांनी सांगितले की जागतिक ग्राहक हक्क दिनाची मूळ प्रेरणा अमेरिकेचे माजी राष्ट्राध्यक्ष दिवंगत जॉन एफ केनेडी यांचेकडून सुरुवात झाली,त्यांच्यातर्फे 15 मार्च 1962 रोजी यूएस काँग्रेसला एक विशेष संदेश पाठविणेत आला यामध्ये त्यांनी ग्राहकांचे हक्काचे मुद्दे ठळकपणे मांडले तेव्हापासून 15 मार्च ही तारीख ग्राहकतीर्थ बिंदू माधव जोशी यांचे अधिनस्त 1983 पासून ठरवली गेली, त्यामुळे सर्वच क्षेत्रातील ग्राहक यांनी आपलीं फसवणूक होऊ नये म्हणून सतर्क, जागरूक नागरिक यांनी राहिले पाहिजे असे हार्दीक आवाहन करून सर्वाना जागतिक ग्राहक हक्क दिनाच्या शुभेच्छा देण्यात आल्या.यावेळी राजस रेगे सुरेश पाटकर अन्य पेन्शनर उपस्थित होते.
