आचरा (प्रतिनिधी): आचरा बौद्धवाडी येथील बौद्ध विकास मंडळ गाव व मुंबई शाखा यांच्या संयुक्त विद्यमाने रविवार ७ मे रोजी भगवान गौतम बुद्ध व विश्वरत्न डॉ. बाबासाहेब आंबेडकर यांची संयुक्त जयंती साजरी करण्यात येणार आहे. यात सकाळी ९ वाजता ध्वजवंदन व पूजापाठ, दुपारी ३ वाजता सरपंच प्रणया टेमकर यांच्या हस्ते व्यासपीठाचे उदघाटन, ४ वाजता जाहीर सभा होईल. यात सभेचे अध्यक्ष विद्याधर आचरेकर हे असतील तर प्रमुख पाहुणे म्हणून वैभववाडी तालुका बौद्ध सेवसंघाचे सचिव रवींद्र पवार हे उपस्थित राहणार आहेत. सायंकाळी ६ वाजता स्थानिक मुलांचे सांस्कृतिक कार्यक्रम होणार आहेत. तरी कार्यक्रमाला उपस्थित राहावे, असे आवाहन अध्यक्ष, सचिव यांनी केले आहे.
आचरा बौद्धवाडी येथे संयुक्त बौध्द जयंती…!
