सिंधुदुर्ग बँक चौके शाखा ‘एटीएम’ चे माजी खासदार निलेश राणे यांच्या हस्ते लोकार्पण
कुडाळ (अमोल गोसावी) : पुर्वी लोक बॅंकेत जाण्यासाठी घाबरत असत पण सिंधुदुर्ग जिल्हा बॅंकेने लोकांच्या मनातील ही भिती घालवून सर्वसामान्यांची बॅंक म्हणून नावलौकिक मिळवला. आज हे चौके वासीयांचे एटीएम चे स्वप्न पूर्ण झाले आहे. यापुढे आपली ही जिल्हा बँक राणेसाहेबांच्या मार्गदर्शनाखाली अनेक उपक्रम राबविण्यास सज्ज असून मनिष दळवी सारखे गतिमान अध्यक्ष लाभले असून संचालक मंडळही चांगले कार्यरत आहे. बँक देशांत नंबर येण्यासाठी काम करणारी टीम कार्यरत आहे. आता तर जिल्हा बॅंकेने पाच हजार कोटीच्या उलाढालीचा टप्पा पार केला आहे. त्यामुळे आर्थिक उलाढाल जेवढी मोठी तेवढी बॅंक मोठी असे माजी खासदार निलेश राणे चौके येथे बोलताना सांगितले.
सिंधुदुर्ग जिल्हा मध्यवर्ती सहकारी बँकेच्या वतीने चौके शाखा येथील बॅंकेच्या ४० व्या एटीएम मशीनचा लोकार्पण सोहळा माजी खासदार निलेश राणे यांच्या हस्ते आज गुरुवारी सायंकाळी जिल्हा बँक अध्यक्ष मनीष दळवी यांच्या प्रमुख उपस्थितीत पार पडला यावेळी मार्गदर्शन करताना ते बोलत होते यावेळी बँक संचालक व्हिक्टर डांटस, संचालक संदीप (बाबा) परब, संचालक मेघनाद धुरी, भाजपचे अशोक सावंत, धोंडी चिंदरकर, बँक कार्यकारी अधिकारी प्रमोद सावंत, सुरेश चौकेकर, राजन गावडे, संतोष गावडे, कृ. बा. करलकर, नंदू राणे, विष्णू गावडे, जिल्हा बँकचे राजेंद्र केरकर, देवानंद लोकेगावकर, पी. टी. सरमळकर, सुरज गवंडी, संजय पाताडे, स्वप्निल केळूसकर, महेश तेरसे, पी. टी. सामंत, शरद सावंत, जयेश लाड, सावंत मंडम तसेच कर्मचारी ग्रामस्थ उपस्थित होते.
चौके गावात गेली अनेक वर्षे सिंधूंदूर्ग जिल्हा बँकेच्या माध्यमातून एटीएमची मागणी वारंवार होत होती. याबाबत माजी खासदार निलेश राणे यांचेही लक्ष वेधले गेले होते. त्यावर निलेश राणे तत्परता दाखवत चौके गावात एटीएम व्हायला हवे असे बँकेचे अध्यक्ष मनिष दळवी याना सांगितले होते आणि .
दरम्यान या एटीएम लोकार्पण सोहळ्याप्रसंगी जिल्हा बँक अध्यक्ष मनिष दळवी यांनी चौके येथील हे एटीएम होण्यामागे माजी खासदार निलेश राणे यांची सुचना होती. त्यामुळे या एटीएम मशीनचे सर्व श्रेय त्यांचेच आहे. असे सांगत बँकेच्या नवनवीन उपक्रमांची सविस्तर माहिती देत जिल्हा बँक ही सर्वसामान्यांची बँक आहे असे सांगितले. यावेळी संदिप (बाबा) परब यांनीही मार्गदर्शन केले.
या प्रसंगी माजी खासदार निलेश राणे यांच्या हस्ते या बँक कार्यालयाचे जागा मालक विष्णू गावडे यांच्या सत्कार करण्यात आला. बँकेच्या वतीने उपस्थित खरेदी विक्री संघांचे संचालक सुरेश चौकेकर, चौके माजी सरपंच राजा गावडे, नांदरुख सरपंच भाऊ चव्हाण , पचायत समिती सदस्या मनिषा वराडकर, पत्रकार संघाचे अध्यक्ष संतोष गावडे, व्यापारी संघाचे अध्यक्ष नंदू राणे यांचा सत्कार करण्यात आला. तसेच एटीएम कार्ड चे वाटप करण्यात आले.
