माजी नगराध्यक्ष नलावडेंनी केला ऍड.पृथ्वीराज रावराणेंचा सत्कार
कणकवली (प्रतिनिधी): कणकवलीतील ज्येष्ठ विधीज्ञ ऍड. राजेंद्र रावराणे यांचा मुलगा पृथ्वीराज राजेंद्र रावराणे यांनी इंजीनियरिंग ची पदवी प्राप्त केल्यानंतर कायद्याचे एलएलबी पर्यंतचे शिक्षण पूर्ण करत पदवी मिळवली .या पुढील एलएलएम या शिक्षणाकरिता ऍड. पृथ्वीराज याना वेस्ट मिंस्टर युनिव्हर्सिटी लंडन येथे प्रवेश मिळाला आहे.अत्यंत काठिण्य पातळीवर वेस्ट मिंस्टर युनिव्हर्सिटी ची प्रवेश परीक्षा असते. लंडन मध्ये 2 वर्षे एल एल एम चे पदव्युत्तर शिक्षण ऍड पृथ्वीराज घेणार आहेत. याबद्दल कणकवलीचे माजी नगराध्यक्ष समीर नलावडे यांच्या हस्ते त्यांचा सत्कार करण्यात आला. एल एल एम पदवीच्या दोन वर्षाच्या पुढील शिक्षणासाठी लंडनला जाणार आहेत. व त्यानंतर भारतात परतल्या ते उच्च न्यायालयामध्ये वकिली व्यवसायाची प्रॅक्टिस करणार आहेत. त्यांच्या या सत्कार प्रसंगी राजश्री रावराणे, कणकवलीच्या माजी नगराध्यक्ष मेघा गांगण, माजी नगरसेवक अभय राणे, बंडू गांगण आदि उपस्थित होते.
