मसुरे (प्रतिनिधी): पावणाई देवी महिला दुग्धोत्पादक संस्था मसुरे- बांदिवडे यांच्यावतीने दूध उत्पादक शेतकऱ्यांना भव्य दिवाळी बोनस वाटप कार्यक्रम ७ नोव्हेंबर २०२३ रोजी रात्री ९.०० वा. आयोजित करण्यात आला आहे. यावेळी जिल्हा बँक अध्यक्ष मनीष दळवी, भगीरथ प्रतिष्ठान चे अध्यक्ष डॉ. प्रसाद देवधर, जिल्हा बँक संचालक व्हीक्टर डान्टस, बाबा परब उपस्थित राहणार आहेत. सदर कार्यक्रमाचे औचित्य साधून रात्री ८.०० वाजता भव्य खुली समूह नृत्य आणि निमंत्रितांची भव्य एकेरी नृत्य स्पर्धा मसुरे येथे डॉ. विश्वास साठे यांच्या निवासस्थाना नजीक आयोजित करण्यात आली आहे. समूह नृत्य स्पर्धेसाठी
प्रथम क्रमांक ७ हजार रुपये, द्वितीय ५ हजार रुपये,
तृतीय ३ हजार रुपये आणि प्रत्येकी स्मृतिचिन्ह असे बक्षीस देण्यात येणार आहे.
निमंत्रितांची खुली एकेरी नृत्य स्पर्धा
प्रथम क्रमांक रुपये ३०००,
द्वितीय क्रमांक रुपये १५००/-
तृतीय क्रमांक रुपये ७००/-
चतुर्थ रोख रुपये ५००/- आणि ५ ते ८ क्रमांक प्रत्येकी तीनशे रुपये आणि प्रत्येकी स्मृतिचिन्ह बक्षिसे देण्यात येणार आहेत. दोन्ही स्पर्धा रात्री आठ वाजता सुरुवात करण्यात येणार आहेत.
कार्यक्रमा दरम्यान उपस्थित महिलांमधून लकी ड्रॉ काढण्यात येणार असून प्रथम तीन क्रमांकासाठी पैठणी बक्षीस देण्यात येणार आहे. इच्छुक स्पर्धकांनी डॉ व्ही. एस. साठे मो.(९४२११९०८९६) दत्तप्रसाद पेडणेकर मो. (९३७३८५५६४३)
, बाबू आंगणे (७५८८४०९५३९) येथे संपर्क साधावा. उपस्थित राहण्याचे आवाहन पावणाई देवी महिला दुग्धोत्पादक संस्था मसुरे- बांदिवडे व मसुरे पर्यटन संस्था यांच्या वतीने डॉ. विश्वास साठे आणि दूध उत्पादक संस्थेच्या अध्यक्षा सौ अल्का साठे यांनी केले आहे.
