४ विद्यार्थ्यांची राज्यस्तरीय स्पर्धेसाठी निवड
कणकवली (प्रतिनिधी) : सिंधुदुर्ग डिस्ट्रिक्ट कॅरम असोसिएशनची कनिष्ठ गट जिल्हा अजिंक्यपद कॅरम स्पर्धा सन २०२४ – २५ रविवार २८ जुलै रोजी ग्रामपंचायत माणगाव येथे संपन्न झाली.सदर स्पर्धेत कनेडी गट शिक्षण प्रसारक मंडळ, मुंबई संचलित माध्यमिक विद्यामंदिर कनेडी,मोहनराव मोरारीराव सावंत ज्युनिअर कॉलेज ऑफ आर्ट्स अँड कॉमर्स,तुकाराम शिवराम सावंत ज्युनिअर कॉलेज ऑफ सायन्स आणि बालमंदिर कनेडी या प्रशालेतील विद्यार्थ्यांनी उत्कृष्ट कॅरम खेळाचे प्रदर्शन करून उज्ज्वल यश संपादन केले आहे. सदर स्पर्धेत यशस्वी झालेले विद्यार्थी खालीलप्रमाणे-
१) अर्पण अनिल पेडणेकर इ. ६वी (१२ वर्षांखालील गट) द्वितीय क्रमांक
२) कु. कृपा अनिल पेडणेकर इ. ९वी (१४ वर्षाखालील गट) द्वितीय क्रमांक
३) कु. मीरा मकरंद आपटे (इ. ६वी) (१४ वर्षाखालील गट) तृतीय क्रमांक
४) कु. मुक्ती अमृत भातकांडे (इ. ८वी) (१४ वर्षांखालील गट) चतुर्थ क्रमांक
सदर यशस्वी विद्यार्थ्यांनी दादर मुंबई येथे होणाऱ्या राज्यस्तरीय स्पर्धेसाठी आपली निवड निश्चित केली आहे.
क.ग.शि.प्र.मंडळ, मुंबईचे अध्यक्ष सतीश सावंत व सर्व संस्था पदाधिकारी, शालेय समिती चेअरमन आर्.एच्.सावंत व सर्व सदस्य,प्रशाला मुख्याध्यापक तथा प्राचार्य सुमंत दळवी, पर्यवेक्षक बयाजी बुराण,सर्व शिक्षक व शिक्षकेतर कर्मचारी व विद्यार्थी यांनी यशस्वी विद्यार्थ्यांचे अभिनंदन केले व पुढील वाटचालीसाठी शुभेच्छा दिल्या.
सर्व यशस्वी खेळाडूंना प्रशालेतील संस्कृत तथा इंग्रजी अध्यापक मकरंद आपटे, क्रीडा शिक्षक बयाजी बुराण व जिल्ह्यातील नामवंत कॅरम खेळाडूगौतम यादव यांचे मार्गदर्शन लाभले.
स्पर्धेत विजेत्या ठरलेल्या विद्यार्थ्यांना शालेय समिती चेअरमन आर्. एच्. सावंत, मुख्याध्यापक सुमंत दळवी, पर्यवेक्षक बयाजी बुराण, माजी शिक्षण विस्तार अधिकारी मोहन सावंत व कॅरम मार्गदर्शक मकरंद आपटे यांनी शुभेच्छा दिल्या.
