कोल्हापूर (प्रतिनिधी) : केशवराव भोसले नाट्यगृहाच्या नूतनीकरणासाठी काँग्रेसच्या खासदार आणि आमदारांकडून 5 कोटी रुपयांचा निधी मंजूर करण्यात आला आहे. या निधीच्या सहाय्याने नाट्यगृहाच्या सर्वांगीण सुधारणा आणि आधुनिक सुविधांचा विकास करण्यात येणार आहे. कोल्हापूरच्या सांस्कृतिक वारशाचा महत्त्वाचा भाग असलेल्या या नाट्यगृहाच्या नूतनीकरणासाठी काँग्रेस पक्षाच्या स्थानिक नेतृत्वाने पुढाकार घेतला आहे. यासाठी खासदार आणि आमदारांनी एकत्रित येऊन निधीची व्यवस्था केली आहे.
शिवाय, शाहू ग्रुपने देखील या उपक्रमाला हातभार लावला असून, 10 लाख रुपयांची मदत देण्याची घोषणा केली आहे. तर राजेसमरजीत घाटगे,शाहू ग्रुपच्या या योगदानामुळे नाट्यगृहाच्या नूतनीकरणाच्या कार्यात अधिक गती येईल.कोल्हापूरच्या सांस्कृतिक क्षेत्रातील या ऐतिहासिक वास्तूच्या पुनर्बांधणीमुळे स्थानिक कलाकारांना आणि रसिकांना अत्याधुनिक सुविधा उपलब्ध होतील, असा विश्वास व्यक्त करण्यात येत आहे. नाट्यगृहाच्या नूतनीकरणाचे काम लवकरच सुरू होणार आहे, आणि हे कार्य पूर्ण झाल्यानंतर या नाट्यगृहाचे नव्या उंचीवर पोहोचण्याचे स्वप्न साकार होईल.
