खासदार नारायण राणे यांची मालवण येथे भेट घेत आपण राणे साहेबांसोबतच असल्याची प्रतिक्रिया
मालवण (प्रतिनिधी) : वैभव नाईक यांनी दोन दिवसांपूर्वी सुकळवाड येथील सुभाष म्हैसकर यांचा उबाठा गटात पक्षप्रवेश दाखवला होता. यावर बोलताना कालच निलेश राणे यांनी सातत्याने होणाऱ्या या बोगस पक्षप्रवेशाचा पर्दाफाश केला होता. आज सुभाष म्हैसकर यांनी राणे साहेबांना भेटून आपली प्रतिक्रिया देत आपण व सुकळवाड येथील संपूर्ण ठाकर समाज हा राणे साहेबांसोबत असल्याची प्रतिक्रिया दिली आहे. यामुळे वैभव नाईक हे पुन्हा तोंडघशी पडले असून सुकळवाड प्रवेशाचा बनाव उघड झाला आहे.
