संदेश पारकर यांची प्रमुख उपस्थितीत
संदेश पारकर यांनी साधला मतदारांशी संवाद
खारेपाटण (प्रतिनिधी) : शिवसेना उबाठा,राष्ट्रीय काँग्रेस व राष्ट्रवादी काँग्रेस पक्ष शरद पवार महाविकास आघाडीचे कणकवली देवगड व वैभववाडी विधानसभा मतदार संघाचे उमेदवार संदेश पारकर यांच्या प्रचारार्थ आज शनिवारी आठवडा बाजार दिवशी खारेपाटण बाजारपेठेत महाविकास आघाडीचे उमेदवार संदेश पारकर यांच्या प्रमुख उपस्थितीत भव्य प्रचार रॅली काढण्यात आली.या रॅली मध्ये खारेपाटण विभागातिल उबाठा शिवसेना पक्षाच्या असंख्य कार्यकर्त्यांसह महाविकास आघाडीचे प्रमुख कार्यकर्ते उपस्थित होते.
खारेपाटण शिवसेना शाखा कार्यालय येथे महाविकास आघाडीच्या कार्यकर्त्यांशी संवाद साधल्या नंतर खारेपाटण शिवसेना शाखा कार्यालय ते खारेपाटण एस टी बस स्थानक मार्गे खारेपाटण बाजारपेठ ते घोडेपाथर बंदर पर्यंत संदेश पारकर यांची प्रचार रॅली काढण्यात आली.यावेळी महाविकास आघाडीचे उमेदवार संदेश पारकर यांनी खारेपाटण बाजारपेठेतील नागरिक व व्यापारी वर्गाच्या भेटी घेतल्या तसेच खारेपाटण एस टी बस स्थानक येथे उपस्थित प्रतीक्षेत असलेल्या प्रवाशी वर्गांची सुधा संदेश पारकर यांनी भेट घेऊन महाविकास आघाडीला निवडून देण्याचे भावनिक आवाहन केले.
खारेपाटण बाजारपेठ येथे महा विकास आघाडीच्या वतीने काढण्यात आलेल्या प्रचार रॅलीत राष्ट्रवादी काँग्रेस पक्षाचे पदाधिकारी सुधाकर कर्ले,राष्ट्रीय काँग्रेस पक्षाचे पदाधिकारी श्री प्रवीण वरुणकर, शिवसेना कणकवली उपतालुका प्रमुख श्री महेश कोळसुलकर, खारेपाटण विभाग संपर्क प्रमुख श्री सतीश गुरव,युवा सेनेचे कार्यकर्ते श्री तेजस राऊत,महिला विभाग प्रमुख सौ.अंजली पांचाळ,खारेपाटण विभाग प्रमुख श्री बाळा राऊत, खारेपाटण युवा सेना विभाग प्रमुख निखिल गुरव,शिवसेना पक्षाचे ज्येष्ठ कार्यकर्ते श्री मधुकर वळंजू,संतोष पराडकर,सुधीर गांधी शंकर राऊत,रमेश गुरव,तसेच सेनेचे कार्यकर्ते विलास करांगुटकर, खारेपाटण विभाग संघटक दया कुडतरकर,प्रकाश पाटणकर,सुनील कर्ले,वैभव कांबळे,गणेश सांगेलकर, भूषण कोळसुलकर,महिला शिवसेना कार्यकर्त्या मनस्वी कोळसुलकर,सरिता वारंगे,यांसह शिवसेनेचे शेंकडों कार्यकर्ते यावेळी उपस्थित होते.
“कणकवली देवगड विधानसभा मतदार संघात आता परिवर्तन अटळ असून येथील सुज्ञ जनता महाविकास आघाडीच्या पाठीशी भक्कमपणे उभी राहील. त्यामुळे उरलेले ४/५ दिवस तुम्ही माझ्यासाठी द्या.येणारी ५ वर्षे मी तुमच्यासाठी देतो.अशी भावनिक साद यावेळी महाविकास आघाडीचे उमेदवार संदेश पारकर यांनी मतदार जनतेला घातली.
