५ किरकोळ जखमी ; नांदगाव आरोग्य केंद्रात घेतले उपचार
तळेरे (प्रतिनिधी) : मुंबई गोवा महामार्गावर कणकवली तालुक्यातील कासार्डे मेडेवाकण वळणावर आज सकाळी ७ च्या सुमारास पुणे ते गोवा प्रवास करणाऱ्या ट्रॅव्हल्स ला चालकाचा ताबा सुटल्याने अपघात झाला. सदर अपघातात सुदैवाने गंभीर दुखापती झाल्या नसून ५ जण किरकोळ जखमी झाले आहेत. त्यांना १०८ रुग्णवाहिकेतून नांदगाव प्राथमिक आरोग्य केंद्र येथे दाखल करुन उपचार करण्यात आले आहे. अपघातानंतर जखमींची विचारपूस करण्यासाठी कणकवली सहायक पोलिस निरीक्षक डॉ ज्ञानेश्वर सावंत यांनी नांदगाव आरोग्य केंद्र येथे भेट देत माहिती घेतली.
