बुवा प्राजक्ता परब(सावंत) विरुद्ध बुवा ऋतुजा सावंत (पाळेकर) यांच्यात रंगणार सामना
श्री गणेश मंदिर येथील वार्षिक सत्यनारायण महापूजेचे निमित्त
आचरा (प्रतिनिधी) : चिंदर कोंडवाडी येथील श्री गणेश मंदिर येथे आज 12 मे रोजी वार्षिक सत्यनारायण महापूजे निमित्त विविध धार्मिक कार्यक्रमांचे आयोजन करण्यात आले आहे. दुपारी 1 ते 4 वाजता सत्यनारायण महापूजा, सायंकाळी 4 वाजता आरती, सायंकाळी 6 वाजता स्थानिक भजने, सायं 7 वाजता सांस्कृतिक कार्यक्रम, रात्रौ 8 वाजता महाप्रसाद आणि रात्रौ 9.30 वाजता कार्यक्रमाचे विशेष आकर्षण आमने सामने महिला डबलबारी भजनाचा जंगी सामना बुवा. सौ. प्राजक्ता परब (सावंत) हनुमान प्रासादिक महिला भजन मंडळ देवगड, इळये पाटथर, पखवाज- प्रथमेश कोकम, तबला- संदेश परब विरुद्ध बुवा सौ. ऋतुजा सावंत (पाळेकर) मालवीर भूतनाथ प्रासादिक महिला भजन मंडळ घोणसरी, कणकवली, पखवाज-सुपल परब यांच्यात रंगणार असून भजन रसिकांनी डबलबारी भजनाचा आनंद घ्यावा असे आवाहन कोंडवाडी स्थानिक ग्रामस्थ व मुंबई मंडळ यांच्या वतीने करण्यात आले आहे.
