प्रशालेची १००% निकालाची परंपरा कायम
कणकवली (प्रतिनिधी) : कनेडी गट शिक्षण प्रसारक मंडळ, मुंबई संचलित माध्यमिक विद्यामंदिर कनेडी, एम्. एम्. सावंत ज्युनियर कॉलेज ऑफ आर्ट्स अँड कॉमर्स, तुकाराम शिवराम सावंत ज्युनियर कॉलेज ऑफ सायन्स व बालमंदिर कनेडी या प्रशालेचा माध्यमिक शालांत प्रमाणपत्र परीक्षा फेब्रुवारी/मार्च २०२५ चा निकाल १००% लागला आहे. सन २००४ साली प्रशालेमध्ये सेमी इंग्रजी माध्यम सुरू करण्यात आले. सलग २१व्या वर्षी सेमी इंग्रजी माध्यमाचा निकाल १००% लागला आहे हे विशेष. या प्रशालेतील एकूण ६५ विद्यार्थी परीक्षेला प्रविष्ट झाले होते. पैकी विशेष प्राविण्य ३१ विद्यार्थ्यांनी प्राप्त केले. २६ विद्यार्थी प्रथम श्रेणीत तर ०८ विद्यार्थी द्वितीय श्रेणीत उत्तीर्ण झाले. प्रशालेतील प्रथम तीन क्रमांकाचे मानकरी खालील प्रमाणे –
प्रथम – कृपा कैलास सावंत ९५.२०% (५०० पैकी ४७६ गुण)
द्वितीय -कु. तन्वी प्रसाद हर्णे ९४.८०% (५०० पैकी ४७४ गुण)
तृतीय – कु. मैत्रेयी मकरंद आपटे ९३.४०% (५०० पैकी ४६७ गुण)
मराठी मिडियम चे प्रथम तीन क्रमांक खालीलप्रमाणे –
१) कुमारी श्रावणी आत्माराम चव्हाण *८१.२०% (५०० पैकी ४०३ गुण)
२) कुमारी दिक्षा बळीराम चव्हाण *६९.४०% (५०० पैकी ३४७ गुण)
३) कुमारी ठाकूर चैताली शरद
६७.००% (५०० पैकी ३३२ गुण)
कनेडी गट शिक्षण प्रसारक मंडळ मुंबई चे विद्यमान अध्यक्ष सतीश सावंत व सर्व पदाधिकारी, शालेय समिती चेअरमन आर्. एच्. सावंत व सर्व सदस्य, प्रशालेचे मुख्याध्यापक तथा प्राचार्य सुमंत दळवी, पर्यवेक्षक बयाजी बुराण, सर्व शिक्षक व शिक्षकेतर कर्मचारी आणि विद्यार्थी यांनी सर्व यशस्वी विद्यार्थ्यांचे मनःपूर्वक हार्दिक अभिनंदन केले व त्यांना भावी वाटचालीसाठी शुभेच्छा दिल्या.
