देवगड (प्रतिनिधी) : मुख्यमंत्री समृद्ध पंचायत राज अभियान अंतर्गत ग्रामपंचायत कुणकेश्वर आणि सुनीता शांताराम एज्युकेशन ट्रस्ट संचलित मुकुंदराव फाटक नर्सिंग कॉलेज देवगड यांच्या संयुक्त विद्यमाने आणि माजी आमदार प्रमोद जठार यांच्या विशेष प्रयत्नाने २२ ऑक्टोंबर २०२५ रोजी सकाळी १० ते दुपारी २ वाजता जिल्हा परिषद पूर्ण प्राथमिक केंद्र शाळा कुणकेश्वर येथे मोफत आरोग्य तपासणी शिबिराचे आयोजन करण्यात आले आहे. ग्रामीण भागातील गरीब व गरजू रुग्णांसाठी कान-नाक-घसा तपासणी, सर्जिकल तपासणी (विशेषतः पुरुषांसाठी प्रोस्टेट ग्रंथी तपासणी), स्त्री रोग तपासणी (स्तन तपासणी, पॅप टेस्ट), जनरल तपासणी, इसीजी, तंबाखू सोडण्यासाठी समुपदेशन, यावेळी जीवनसत्वे कॅल्शियम लोह तसेच वेदनाशामक औषधांचे मोफत वितरण करण्यात येणार आहे. या शिबिरामध्ये मुंबईतील नामांकित डॉक्टर्स उपस्थित राहून रुग्ण तपासणी करणार आहेत. तरी जास्तीत-जास्त गरजू रुग्णांनी या संधीचा लाभ घ्यावा. अधिक माहितीसाठी गणेश चव्हाण, रीना चव्हाण व अवनी परब यांच्याशी संपर्क साधावा असे आवाहन करण्यात आले आहे.
कुणकेश्वर येथे मोफत आरोग्य तपासणी शिबिराचे आयोजन
