मनोभावे आरती करून घेतला बाप्पाचा आशीर्वाद
कणकवली (प्रतिनिधी): राष्ट्रवादी काँग्रेस अजित पवार गट पक्षाचे जिल्हाध्यक्ष तथा माजी नगरसेवक अबिद नाईक यांनी कणकवली शहरातील ऑटो रिक्षा चालक मालक संघटना सार्वजनिक गणेशोत्सव कला क्रीड़ा मंडळाच्या नवसाला पावनारा कणकवलीचा राजा गणपतीचे दर्शन घेत आरती करून आशीर्वाद घेतला. कणकवलीचा राजा हा 21 दिवसाच्या गणपती प्रतिष्ठापना मागील अनेक वर्षे केली जात आहे. सर्वधर्म समभाव मानणाऱ्या अबिद नाईक यांनी 8 ऑक्टोबर रोजी दरवर्षी प्रमाणे कणकवली चा राजा गणपतीची मनोभावे आरती केली . रिक्षा संघटनेचे पदाधिकारी गेली अनेक वर्ष अबिद नाईक यांना आरती करण्यासाठी आपुलकीने निमंत्रित करत असतात . त्याच प्रेमाने अबिद नाईक त्यांच्या सर्व कार्यक्रमांमधे सहभागी होत असतात .आरती करतेवेळी रिक्षा संघटनेचे अध्यक्ष बाळा वराड़कर, सेक्रेटरी भाई परब, रिक्षा संघटनेचे कार्यतत्पर संचालक संतोष सावंत, बाळू वालावलकर, मनोज वारे, मोर्ये, राष्ट्रवादी कणकवली शहर उपाध्यक्ष अमित केतकर, राष्ट्रवादी जिल्हा प्रतिनिधि निशिकांत कडुलकर,राष्ट्रवादी शहर चिटनीस गणेश चौगुले, राष्ट्रवादी शहर सरचिटनिस सचिन अडुलकर,व रिक्षा संघटनेचे सर्व पदाधिकारी उपस्थित होते.
