सुदर्शन मित्र मंडळ तेली आळी – हर्णै आळी यांनी केलं आयोजन
कणकवली (प्रतिनिधी): सुदर्शन मित्र मंडळ तेली आळी – हर्णै आळी यांनी 55 वा स्मृतिदिन आयोजित सर्वपित्री अमावस्या निमित्त 20 X 20 डबलबारी भजनांचा जंगी सामना शनिवार दिनांक 14 ऑक्टोबर 2023 रोजी रात्रौ 8 वाजता तेली आळी कणकवली डी.पी. रोड समोर होणार असून कणकवलीकरांचे मनोरंजन करण्याकरिता सिंधुदुर्ग जिल्ह्यातील नामवंत भजनी बुवा गुंडू सावंत हनुमान प्रासादिक भजन मंडळ वर्दे, (कुडाळ) गुरुवर्य अशोक सावंत असून यांना पखवाज साथ विराज बावकर तबला साथ सागर कदम करणार आहेत. विरुद्ध बुवा संदीप पुजारे श्री महादेश्र्वर प्रासादिक भजन मंडळ मु. पो. नाडण ता. देवगड गुरुवर्य भजन सम्राट कै.बुवा जयराम घाडीगांवकर व विजय पुजारी असून यांना पखवाज साथ मंजिल काळसेकर तर तबला साथ सिद्धेश काळसेकर करणार असून या 20 X 20 डबलबारी भजनांच्या जंगी सामन्याचा समस्त कणकवली वासी तसेच भजन प्रेमींनी आपली उपस्थिती दर्शवून आस्वाद घ्यावा असे आवाहन सुदर्शन मित्र मंडळ तेली आळी – हर्णै आळी यांच्यामार्फत करण्यात आले आहे.
