कणकवली (प्रतिनिधी) : मुंबई गोवा महामार्गावर नांदगाव कोळंबा मंदिर समोर नांदगावहून मुंबईकडे जाणा-या मार्गावर चारचाकी कार व रिक्षा या दोन वाहनांमध्ये समोरासमोर धडक होऊन अपघात झाला.या अपघातात रिक्षातील एक प्रवासी गंभीर जखमी झाला. रिक्षाचालकास किरकोळ मार लागला.तर दोन्ही वाहनांचे मोठे नुकसान झाले . घटना सकाळी ९:३० च्या सुमारास घडली.
याबाबत मिळालेली माहिती अशी की, आपल्या ताब्यातील जीप कॅम्पस ही चारचाकी घेऊन अथांग योगेंद्र सामंत, वय २८, रा.गंगापूर रोड, नाशिक हे गोव्याहून मुंबईच्या दिशेने जात असताना याच मार्गावर विरूद्ध दिशेने रिक्षा चालक मामुद अमीर काझी, रा.असलदे शिवाजी नगर हे नांदगाव येथून प्रवाशी कु.रोशन किरण गमरे,मूळ रा.भायखळा मुंबई सध्या नांदगाव याला घेऊन जात असताना दोन्ही वाहनांची धडक होत अपघात घडला.
या अपघातानंतर नागरीकांनी तात्काळ जखमी रिक्षा चालक व जखमी प्रवाशी याना कणकवली उपजिल्हा रुग्णालयात दाखल करण्यात आले. यावेळी कणकवली अति. पोलीस उपनिरीक्षक शिवाजी शेडगे, किरण कदम,चंद्रकांत माने, एम.व्ही. गुरव,सरपंच रविराज मोरजकर आदी ग्रामस्थांनी यांनी घटनास्थळी धाव घेत पाहणी करून प्राथमिक पंचनामा केला. या अपघातात कार चालकाला कोणतीही दुखापत झाली नसून अधिक तपास कणकवली पोलीस करत आहेत.
