उद्यानविद्या महाविद्यालय सांगुळवाडी च्या विद्यार्थीनींनी केले आयोजन
वैभववाडी (प्रतिनिधी) : १ जुलै सर्वत्र कृषी दिनानिमित्ताने विविध कार्यक्रमांचे आयोजन करण्यात येत आहे. कणकवली तालुक्यातील लोरे नं. १ येथे जिल्हा परिषद प्राथमिक शाळेमध्ये उद्यानविद्या महाविद्यालय सांगुळवाडी च्या सोनम वाघमारे , आदिती नाईक, आनंदी बनसोडे, चेतना पोतदार ,आध्यात्तमिका कर्णिक, सेजल मेंढे, आकांक्षा सोनवलकर या कृषिकन्यांनी शालेय विद्यार्थ्यांसाठी कृषी दिनाच्या पार्श्वभूमीवर निबंध, चित्रकला स्पर्धांचे आयोजित करण्यात आले होते. शिवाय लोरे नं १ येथील ग्रामपंचायत कार्यालय परिसरात वृक्षारोपण आणि वृक्षदिंडी देखील काढण्यात आली. स्पर्धेमध्ये सहभागी विद्यार्थ्यांना पारितोषिके देण्यात आली. या कार्यक्रम प्रसंगी उद्यानविद्या महाविद्यालय सांगुळवाडीच्या प्राचार्य ए. आर. कामतेकर ,यन. आर. फुटाणकर, पी. एस. सावंत तसेच लोरे नं १ मधील ग्रामस्थ, शिक्षक पालक व विद्यार्थी उपस्थित होते.
