खारेपाटण (प्रतिनिधी) : खारेपाटण पंचक्रोशी शिक्षण प्रसारक मंडळाचे सल्लागार व शेठ न.म.विद्यालय, खारेपाटणचे माजी शिक्षकेतर सेवानिवृत्त कर्मचारी विजय कळंत्रे यांनी नुकतेच आपल्या वाढदिवसाचे औचित्य साधून शिक्षक दिनाच्या निमित्ताने प्राथमिक विभागातील इयत्ता चौथीच्या विद्यार्थ्यांना काजूच्या झाडांचे वाटप केले.तसेच विद्यालयाला एक माडाचे झाड भेट स्वरूपात दिले.
याप्रसंगी संस्थेचे अध्यक्ष श्री प्रवीण लोकरे,माध्यमिक व उच्च माध्यमिक विभागाचे मुख्याध्यापक संजय सानप,पर्यवेक्षक संतोष राऊत, प्राथमिक विभागाच्या मुख्याध्यापिका साै दर्पे, श्रीम.काझी तसेच शिक्षक व शिक्षकेतर कर्मचारी आदी उपस्थित होते.
माजी शिक्षकेत्तर कर्मचारी विजय कळंत्रे यांनी यापूर्वी देखील शाळेला आर्थिक मदतीचे योगदान देऊन आपले कर्तव्य पार पडले होते. याबरोबरच पुन्हा एकदा विजय कळंत्रे यांनी सामाजिक बांधिलकी आपल्या वाढदिवसनिमित्त शाळेला केलेल्या मदतीबद्दल खारेपाटण हायस्कूलच्या वतीने व शिक्षण संस्थेच्या वतीने त्यांचे आभार मानण्यात आले.
