माजी आमदार वैभवजी नाईक यांच्या हस्ते होणार उद्घाटन
संत रविदास समाज भूषण व अन्य पुरस्कारांचे होणार वितरण
ओरोस (प्रतिनिधी) : चर्मकार समाजाचे आराध्यदैवत संत रविदास यांच्या नावाने वाडी हुमरमळा येथे बांधण्यात आलेल्या सिंधुदुर्ग जिल्हा चर्मकार समाज उन्नती मंडळ सिंधुदुर्ग संचलित संत रविदास भवन इमारतिचा उद्घाटन सोहळा माजी आमदार वैभव नाईक यांच्या हस्ते रविवार १६ मार्च रोजी सकाळी १० वाजता संपन्न होणार आहे. यावेळी संत रविदास समाज भूषण पुरस्कार वितरण , स्पर्धा बक्षीस वितरण ,संस्थेचा 41 वा वर्धापन दिन, विशेष कार्य समाजबांधव गौरव, व स्मरणिका प्रकाशन समारंभही मान्यवरांच्या उपस्थितीत आयोजित करण्यात आला आहे.
मुंबई गोवा महामार्गावर वाडी हूमरमळा ,पुष्पसेन सावंत फार्मसी कॉलेजसमोर बांधण्यात आलेल्या संत रविदास भवन इमारतचा प्रथम टप्पा माजी आमदार वैभव नाईक यांच्या स्थानिक विकास निधीतून पूर्ण झाला आहे.सदर प्रथम टप्प्याचा उद्घाटन सोहळा मालवण कुडाळ मतदार संघाचे माजी आमदार वैभव नाईक यांच्या हस्ते सिंधुदुर्ग जिल्हा चर्मकार समाज उन्नती मंडळाचे जिल्हाध्यक्ष सुजित जाधव यांच्या अध्यक्षतेखाली होणार आहे. यावेळी हुमरमळा सरपंच समीर पालव, उपसरपंच संचिता पालव, माजी सरपंच जान्हवी पालव , माजी सरपंच महानंदा बांदेकर,कुडाळ पंचायत समिती माजी सदस्या सुप्रिया वालावलकर, मार्गदर्शक ॲड.अनिल निरवडेकर, मार्गदर्शक विजय चव्हाण, मुंबई येथील उद्योजक संजय चव्हाण, जिल्हा सरचिटणीस चंद्रसेन पाताडे ,जिल्हा कोषाध्यक्ष नामदेव जाधव,उपाध्यक्ष राजेंद्र चव्हाण,दीपक समजीसकर,उत्तम चव्हाण,ज्ञानेश्वर तळकटकर यांसह सर्व संचालक मंडळ व जिल्हा कार्यकारणीतील निवडण्यात आलेल्या सर्व समित्याचे सदस्य आणि सर्व तालुक्यातील तालुकाअध्यक्ष व पदाधिकारी यांची प्रमुख उपस्थिती असणार आहे. सिंधुदुर्ग जिल्ह्यातील सर्व चर्मकार बांधवांनी या कार्यक्रमासाठी उपस्थित राहावे असे आवाहन मंडळाच्या वतीने करण्यात आले आहे.
