विविध विषयांवर चर्चेत एकमत
आचरा (प्रतिनिधी) : आचरा दशक्रोशीतील जेसीबी मालक संघटनेची बैठक रविवार 5 आक्टोबंर ऑक्टोबर 2025 उद्योजक प्रकाश मेस्त्री यांचे कार्यालय येथे संपन्न झाली. सदर बैठकीस आचरा पंचक्रोशीतील जेसीबी मालक मोठ्या संख्येने उपस्थित होते. बैठकीत विविध मुद्द्यावर चर्चा करत असताना प्राधान्याने काही महत्त्वाच्या मुद्द्यावर खालील प्रमाणे ठराव घेण्यात आले .
जेसीबी कामाचा प्रति तासाचा दर सर्वसामान्य कामासाठी 1200 रुपये, फक्त लोडरचेच काम असल्यास प्रति तासाला 1400 रुपये आणि ब्रेकर चे काम असल्यास 1700 रुपये असा दर सर्वानुमते ठरविण्यात आला. तसेच शासकीय किंवा वैयक्तिक कामासाठी जे ठेकेदार बाहेरून जेसीबी किंवा पोकलेन भाड्याने घेऊन येतात आणि इथे आपल्या कामाबरोबरच बाहेरची कामे कमी दराने करतात आणि त्यामुळे इथल्या स्थानिक मशिनरी धारकाला काम मिळणे कठीण होऊन बसत आहे. त्यामुळे या बैठकीत ज्या ठेकेदारांना जेसीबी किंवा पोकलेन अशा मशिनरी कामासाठी आवश्यक असते अशा ठेकेदारनी स्थानिक लोकांच्या मार्फत मशिनरी घेऊन आपली कामे करावीत. त्याशिवाय येथील स्थानिक लोक जेसीबी सारख्या मशिनरी विकत घेऊन बाहेरील लोकांना भाड्याने करारावर चालविण्यास देतात. साहजिकच अशा सर्व गोष्टींमुळे सुद्धा स्थानिक मशनरी मालकांना अनेक अडचणींना सामोरे जावे लागते. अशा गोष्टी निदर्शनास आल्यास त्यावर संघटने मार्फत योग्य ती कारवाई केली जाईल.
या बैठकीसाठी जेसीबी संघटनेचे अध्यक्ष राजू परुळेकर, बाबू हडकर, दुर्गाप्रसाद तुळपुळे, भाऊ हडकर, भालचंद्र माटवकर विनोद गवळी, बाबू बाईत, अजय साटम, प्रकाश मेस्त्री, धुळाजी कर्पे, किशोर खोत, माने, गणेश तोंडवळकर यांच्यासहित तीस ते पस्तीस जेसीबी आणि पोकलेन मालक उपस्थित होते.
