चौके ( अमोल गोसावी ) : माळगाव मधलीवाडी येथील दशावतार कलावंत विराज भिवा माळगावकर यांची आर्थिक परिस्थिती बिकट असल्याने त्यांचे राहते मातीचे घर पडण्याच्या स्थितीत आहे. विराज माळगावकर हा तरूण दशावतार कलेवर नितांत प्रेम करणारा असून सध्या हलाखीच्या परिस्थितीत सामना करत आहे. ही बातमी सोशल मिडीयातून प्रसिध्द झाल्यानंतर महाराष्ट्र राज्य प्राथमिक शिक्षक समितीने सामाजिक बांधिलकी जपत विराज माळगावकर यास रोख रक्कम रूपये 10,000/- (दहा हजार मात्र) महाराष्ट्र राज्य प्राथमिक शिक्षक समिती मालवणकडून आर्थिक मदत देण्यात आली. यावेळी तालुकाध्यक्ष सुयोग धामापूरकर, सचिव जीवन हजारे , ज्येष्ठ मार्गदर्शक भाई चव्हाण, कोषाध्यक्ष राजेंद्रप्रसाद गाड, कार्याध्यक्ष रुपेश गरुड , पतपेढी संचालक मंगेश कांबळी , बाळकृष्ण नांदोसकर, विलास सरनाईक, रामचंद्र कदम, संतोष नेरकर, नवनाथ भोळे आदि समिती कार्यकर्ते उपस्थिती होते.
महाराष्ट्र राज्य प्राथमिक शिक्षक समिती मालवण शाखेमार्फत विराज माळगांवकर यांना मदतीचा हात
