माजी नगराध्यक्ष समीर नलावडे यांची घोषणा
हिंदी मराठी सिनेकलाकारांसह दिग्गज गायकांचा होणार लाईव्ह परफॉर्मन्स
फूड फेस्टिव्हलसह सांस्कृतिक कार्यक्रमांची रेलचेल
कणकवली (प्रतिनिधी): कणकवलीवासीयांना प्रतीक्षा असलेला कणकवली पर्यटन महोत्सव 11 ते 14 जानेवारी 2024 दरम्यान कणकवली उपजिल्हा रुग्णालयासमोर भव्यदिव्य स्वरूपात दणक्यात साजरा होणार असल्याची घोषणा माजी नगराध्यक्ष समीर नलावडे यांनी पत्रकार परिषदेत दिली.हिंदी मराठी सिनेकलाकारांची उपस्थिती, दिग्गज हिंदी मराठी गायकांचा लाईव्ह परफॉर्मन्स, फूड फेस्टिव्हल, लोककलांचे दर्शन घडविणारा चित्र शोभारथ, स्थानिक कलाकारांचा सांस्कृतिक परफॉर्मन्स ने हा कणकवली पर्यटन महोत्सव यादगार ठरेल असे माजी नगराध्यक्ष समीर नलावडे यांनी सांगितले. यावेळी माजी उपनगराध्यक्ष बंडू हर्णे, माजी नगरसेवक संजय कामतेकर, मेघा गांगण, अभि मुसळे, बंडू गांगण आदी उपस्थित होते. कणकवली नगरपंचायत माजी सत्ताधारी भाजपा पदाधिका-यांकडून ११ ते १४ जानेवारी या कालावधीत पर्यटन महोत्सव २०२४ होणार आहे. यात विविध सांस्कृतिक कार्यक्रमांची रेलचेल असणार आहे. तसेच पर्यटन महत्त्वाच्या प्रारंभी कणकवली शहरातून भव्य शोभायात्रा निघणार असल्याची माहिती कणकवलीचे माजी नगराध्यक्ष समीर नलावडे यांनी दिली. सध्या नगरपंचायत मध्ये प्रशासक आहेत. तरी देखील आम्ही सर्वांनी पर्यटन महोत्सव घेण्यासाठी आ. नितेश राणेना भेटलो, त्यांनी महोत्सव घ्यावा, आपण पाठीशी आहोत असे सांगितले, कणकवली शहरातील नागरिकांना पर्यटन महोत्सवाचा वि आनंद मिळावा, या भावनेतून दरवर्षी प्रमाणे हा पर्यटन महोत्सव आयोजित करण्यात आल्याचे माजी नगराध्यक्ष समीर नलावडे म्हणाले.
११ जानेवारी रोजी कणकवली शहरात भव्य दिव्य शोभा यात्रा काढण्यात येणार आहे. त्यामध्ये ढोल पथक, दशवातर कलाकार, १७ प्रभागांचे चित्ररथ, बैलगाडी ही शोभा यात्रा ११ जानेवारीला सायंकाळी ४ वाजता पटकी देवी बाजारपेठ मार्गे उपजिल्हा रुग्णालयात कणकवली समोरील मैदान पर्यंत जाईल. त्यानंतर बेधुंद ऑर्केस्ट्रा सिने कलाकारांच्या उपस्थितीत होईल. या पर्यटन महोत्सवाचा शुभारंभ पालकमंत्री रविंद्र चव्हाण, माजी खा. निलेश राणे, आ. नितेश राणे, माजी आ. प्रमोद जठार, जिल्हा बँक अध्यक्ष मनीष दळवी, भाजपा जिल्हाध्यक्ष प्रभाकर सावंत, माजी जिल्हा परिषद अध्यक्ष संदेश सावंत, जिल्हा बँक उपाध्यक्ष अतुल काळसेकर यांच्या उपस्थितीत उद्घाटन सोहळा पार पडेल. यावेळी महोत्सवात फूड फेस्टिवल उद्घाटन रोटरी क्लब पदाधिकारीच्या उपस्थितीत होईल.
१२ जानेवारी रोजी कणकवली शहरातील स्थानिक कलाकारांना व्यासपीठ मिळवून दिले जाईल. कणकवली येथील कलाकारांचा भव्य कार्यक्रम होईल. त्यात २०० कलाकारांचा सहभाग असेल, त्याचे संयोजन जेष्ठ कलाकार सुहास वरुणकर, प्रा. हरिभाऊ भिसे हे करणार आहेत, हा कार्यक्रम रात्री ८ वाजता सुरु होईल. तत्पूर्वी सायंकाळी ७ वाजता पदर प्रतिष्ठानच्या महिला कलाकार सायंकाळी ७ ते ८ वाजण्याच्या सुमारास सांस्कृतिक कार्यक्रम सादर करणार आहेत, शनिवार १३ जानेवारी भव्य ऑर्केस्ट्रा होईल, नामवंत टिव्ही कलाकार, कॉमेडी कलाकार असणार आहे, सायंकाळी ७.३० वाजता हा कार्यक्रम असेल. कणकवली शहरातील नागरिकांनी योगदान दिलेले आहेत, त्यांचे सत्कार करणार असल्याचे समीर नलावडे यांनी सांगितले.
रविवार १४ जानेवारी या शेवटच्या दिवशी हिंदी सिनेसृष्टीतील सेलिब्रिटी उपस्थित राहणार आहेत. हा कार्यक्रम आ. नितेश राणे यांच्या माध्यमातून असणार आहे. रात्री ८ वाजता हा कार्यक्रम होणार आहे. रात्रौ १० वाजता महोत्सव समारोप केंद्रीय मंत्री नारायण राणे, नीलमताई राणे, आ. नितेश राणे, माजी प्रमोद जठार यांच्या उपस्थितीत होणार आहे. हा चार दिवसांचा महोत्सव होणार असल्याचे समीर नलावडे यांनी सांगितले.
